"მუზეუმს საფრთხე არ ემუქრება, ვაგრძელებთ მუშაობას" - მუზეუმის დირექტორი
13:28 / 18.10.2022
ვარძიის მიმდებარე ტერიტორიაზე ჩამოცვენილი ქვის გაწმენდითი სამუშაოები მიმდინარეობს. მუზეუმის დირექტორის განცხადებით, ქვათა ცვენა დღეს დაახლოებით დილის 8 საათზე დაიწყო, ამის მიზეზი კი წუხელ მოსული უხვი ნალექი გახდა.
"სერიოზული დაზიანება არ არის, მუზეუმს საფრთხე არ ემუქრება, ვაგრძელებთ მუშაობას და ვიზიტორების მიღებას" - განაცხადა ილია თევდორაძემ.
შეგახსენებთ, ვარძიის შესავლელში ლოდები დღეს დილის რვა საათზე ჩამოცვივდა და მიმდებარე ტერიტორია დააზიანა.