ვალეში ილია ჭავჭავაძის საიუბილეო წელთან დაკავშირებული ღონისძიებები გაიმართა
15:33 / 29.04.2017
ილია ჭავჭავაძის საიუბილეო წელთან დაკავშირებით ვალეში კულტურული ღონისძიებები მოეწყო.
ადგილობრივებმა ხელოვნების ნიმუშების გამოფენა დათვალიერეს და ჭავჭავაძის მკვლელობისა და მოღვაწეობის შესახებ წარმოდგენილ სპექტაკლს დაესწრნენ.
პროექტი სახელწოდებით – "ილია ჭავჭავაძე 180 – უკვდავების ფენომენი" სამ აპრილს, ქუთაისიდან დაიწყო და 35 მუნიციპალიტეტს მოიცავს.
კულტურულ ღონისძიებებს საქართველოს მასშტაბით, ილია ჭავჭავაძის საქველმოქმედო ფონდი ადგილობრივი თვითმმართველობების მხარდაჭერით ახორციელებს.