ამერიკის საელჩომ რეგიონულ მედიასაშუალებებს უმასპინძლა
22:42 / 04.07.2022
აშშ-ის საელჩომ საქართველოში "აირექსის" პროგრამის დახურვის ცერემონიას უმასპინძლა. ღონისძიებას ის რეგიონული მედიასაშუალებები დაესწრნენ, რომლებიც საქართველოს მედია პარტნიორობის პროგრამაში (GMPP) იყვნენ ჩართულნი.
GMPP-ის დახურვის ცერემონიაზე ელჩი კელი დეგნანი სიტყვით გამოვიდა და რეგიონული მედიის მნიშვნელობაზე ისაუბრა.
მსგავსი პროგრამები ახალისებს დამოუკიდებელ და თავისუფალ მედიას, რომელიც კრიტიკულად მნიშვნელოვანია საქართველოს ევროატლანტიკური მისწრაფებებისთვის - აღნიშნა კელი დეგნანმა.
აირექსის პროგრამა GMPP-მ 2010 წლიდან, საქართველოს რვა რეგიონის მედიასაშუალებებსა და თხუთმეტი შტატის ამერიკელ კოლეგებს შორის პარტნიორობას ხელი შეუწყო . პროგრამაში მონაწილეობდა „მეცხრე არხიც“.