მედია
3 მაისს მსოფლიო თავისუფალი პრესის დღეს აღნიშნავს
12:03 / 03.05.2024
3 მაისი პრესის თავისუფლების საერთაშორისო დღეა. თარიღი აფრიკელი ჟურნალისტების მონაწილეობით დაარსდა, რომლებმაც ბერლინის კედლის დანგრევის შემდეგ აფრიკის კონტინენტზე თავისუფლებისთვის ბრძოლა დაიწყეს.
1991 წლის 3 მაისს აფრიკელი ჟურნალისტები ნამიბიის დედაქალაქ ვინდჰუკში რეგიონულ სემინარზე შეიკრიბნენ, რომელიც დამოუკიდებელი და პლურალისტური მასობრივი ინფორმაციის საშუალებათა ხელშეწყობას შეეხებოდა. მათ ე. წ. "ვინდჰუკის დეკლარაცია" მიიღეს, რომლითაც ქვეყნების მთავრობებს პრესის თავისუფლებისა და მისი დემოკრატიული ხასიათის უზრუნველყოფა მოუწოდეს. ამ სემინარზე მიღებული დოკუმენტის მნიშვნელობა იმდენად დიდი იყო, რომ 1993 წლის 21 დეკემბერს გაეროს გენერალურმა ასამბლეამ გადაწყვეტილება მიიღო, თავისუფალი პრესის მსოფლიო დღე სწორედ 3 მაისს აღენიშნა.
მედიის საკითხებზე მომუშავე საერთაშორისო ორგანიზაციის „რეპორტიორების საზღვრებს გარეშე“ (RSF) 2020 წლის ანგარიშის მიხედვით, რომელიც 2019 წლის მდგომარეობას ასახავს, პრესის თავისუფლების ინდექსში საქართველოს ქულა 0.39 ქულით გაუმჯობესდა (2019 წელს საქართველოს 28.98 ქულა ჰქონდა). ამ მაჩვენებლით, საქართველო, მსოფლიოს 180 ქვეყანას შორის 28.59 ქულით, 2022 წელს - მე-60 ადგილს იკავებდა.
პრესის თავისუფლების 2023-ის ინდექსში საქართველო 77-ე ადგილს იკავებდა, 2024 წლისთვის კი 180 ქვეყანას შორის 103-ე ადგილზე გადაინაცვლა. აღნიშნულ ანგარიშში მხოლოდ 2023 წლის მოვლენებია შესული, შესაბამისად, რუსული კანონის ხელახლა ინიცირების გავლენა და მიმდინარე პროცესები 2025 წლის ანგარიშში აისახება.
1991 წლის 3 მაისს აფრიკელი ჟურნალისტები ნამიბიის დედაქალაქ ვინდჰუკში რეგიონულ სემინარზე შეიკრიბნენ, რომელიც დამოუკიდებელი და პლურალისტური მასობრივი ინფორმაციის საშუალებათა ხელშეწყობას შეეხებოდა. მათ ე. წ. "ვინდჰუკის დეკლარაცია" მიიღეს, რომლითაც ქვეყნების მთავრობებს პრესის თავისუფლებისა და მისი დემოკრატიული ხასიათის უზრუნველყოფა მოუწოდეს. ამ სემინარზე მიღებული დოკუმენტის მნიშვნელობა იმდენად დიდი იყო, რომ 1993 წლის 21 დეკემბერს გაეროს გენერალურმა ასამბლეამ გადაწყვეტილება მიიღო, თავისუფალი პრესის მსოფლიო დღე სწორედ 3 მაისს აღენიშნა.
მედიის საკითხებზე მომუშავე საერთაშორისო ორგანიზაციის „რეპორტიორების საზღვრებს გარეშე“ (RSF) 2020 წლის ანგარიშის მიხედვით, რომელიც 2019 წლის მდგომარეობას ასახავს, პრესის თავისუფლების ინდექსში საქართველოს ქულა 0.39 ქულით გაუმჯობესდა (2019 წელს საქართველოს 28.98 ქულა ჰქონდა). ამ მაჩვენებლით, საქართველო, მსოფლიოს 180 ქვეყანას შორის 28.59 ქულით, 2022 წელს - მე-60 ადგილს იკავებდა.
პრესის თავისუფლების 2023-ის ინდექსში საქართველო 77-ე ადგილს იკავებდა, 2024 წლისთვის კი 180 ქვეყანას შორის 103-ე ადგილზე გადაინაცვლა. აღნიშნულ ანგარიშში მხოლოდ 2023 წლის მოვლენებია შესული, შესაბამისად, რუსული კანონის ხელახლა ინიცირების გავლენა და მიმდინარე პროცესები 2025 წლის ანგარიშში აისახება.