ახალციხის მერიამ ვაკანტურ ადგილებზე კონკურსი გამოაცხადა

პოლიტიკა

16:25 / 27.09.2019

ახალციხის მუნიციპალიტეტის მერია ვაკანტურ ადგილებზე თანამშრომლებს არჩევს. საჯარო სამსახურის ბიუროს ვებ-გვერდზე ვაკანსია ათ პოზიციაზეა გამოცხადებული.

განაცხადების გაკეთებისთვის მიცემული ვადა ოთხ ოქტომბერს იწურება. კონკურსი სამ ეტაპად ჩატარდება: განცხადების გადარჩევა, ზეპირი დავალება და გასაუბრება.

საბოლოო გადაწყვეტილება მიიღება საკონკურსო კომისიის მიერ ქულათა სისტემით, განცხადების წარდგენის ვადის დასრულებიდან არაუგვიანეს 3 თვის ვადაში.

ღიაა კონკურსი გამოცხადებულია შემდეგ პოზიციებზე:

მესამე კატეგორიის უფროსი სპეციალისტი იურიდიულ საკითხებში;
აგარის ადმინისტრაციულ ერთეულში ახალციხის მუნიციპალიტეტის მერის წარმომადგენლის ასისტენტი;
პირველადი სტრუქტურული ერთეულის - ზედამხედველობის სამსახურის ხელმძღვანელი;
მეორადი სტრუქტურული ერთეულის - მშენებლობისა და რეაბილიტაციის ზედამხედველობის განყოფილების ხელმძღვანელი;
პირველი კატეგორიის უფროსი სპეციალისტი ახალგაზრდულ საქმეთა და ტურიზმის განვითარების საკითხებში;
მეორადი სტრუქტურული ერთეულის ურბანული დაგეგმარების განყოფილების ხელმძღვანელი;
პირველი კატეგორიის უფროსი სპეციალისტი არქიტექტურისა და სივრცითი მოწყობის საკითხებში;
მეორადი სტრუქტურული ერთეულის - სივრცითი მოწყობისა და არქიტექტურის განყოფილების ხელმძღვანელი;
სივრცითი მოწყობისა და ინფრასტრუქტურის სამსახურის ხელმძღვანელი;
პირველი კატეგორიის უფროსი სპეციალისტი სოციალურ საკითხებში.

თეგები: კონკურსი / ვაკანსია / ახალციხის მერია /

ავტორი:

რუსუდან გვარამაძე