თბილისში დაგეგმილ აქცია - პერფორმანსს ახალციხიდანაც შეუერთდნენ
11:31 / 14.10.2021
თბილისში, დღეს დაგეგმილ აქციაზე წასასვლელად, ახალციხის გასასვლელთან 200-მდე ადამიანი შეიკრიბა. ენმ-ს წევრები მხარდამჭერებთან ერთად მიხეილ სააკაშვილის გათავისუფლებას მოითხოვენ და აცხადებენ, რომ ზეწოლის მიუხედავად იბრძოლებენ მანამ, ვიდრე დაკავებული პრეზიდენტი არ გათავისუფლდება.
ენმ-ს ახალციხის ოფისის წარმომადგენლის დავით ახალკაცის თქმით, სამცხის ოთხი მუნიციპალიტეტიდან მხარდამჭერები ქვიშხეთთან შეიკრიბებიან და კოლონებით გაემგზავრებიან თბილისში.