პოლიტიკა
,,ხალხის ძალას" სამცხედანაც შეუერთდებიან
12:50 / 04.10.2022
"ხალხის ძალას" ახალი წევრები შეემატნენ. მმართველი პარტია დატოვა და მოძრაობას შეუერთდა "ქართული ოცნების" 5 წევრი, პარლამენტის დეპუტატები ეკა სეფაშვილი, ვიქტორ ჯაფარიძე, დავით კაჭარავა, დაჩი ბერაია და ზაალ მიქელაძე. ამის შესახებ დღევანდელ ბრიფინგზე მოძრაობის წევრმა სოზარ სუბარმა განაცხადა. მისი თქმით, მოძრაობა "ხალხის ძალა" საქართველოს პარლამენტში ცხრა დეპუტატით იქნება წარმოდგენილი, რაც ნიშნავს, რომ საკანონმდებლო ორგანოში მათ რიცხოვნობით მესამე პოლიტიკური ჯგუფი ეყოლებათ.
,,ხალხის ძალას" სამცხე-ჯავახეთიდანაც შეუერთდებიან - ამის შესახებ მეცხრე არხს ახალციხისა და ადიგენის საკრებულოს დეპუტატებმა განუცხადეს. საბა კბილაშვილის თქმით, ,,მიმდინარეობს კონკრეტული საკითხების განხილვა და მომავალ კვირაში საჯაროდ ცნობილი გახდება ვინ შეუერთდება ,,ხალხის ძალას".
წევრებთან თანამშრომლობის საკითხზე დეტალებს განიხილავენ ადიგენშიც. იმედა მღებრიშვილის თქმით, ახალი წევრების ვინაობა საზოგადოებისთვის დაახლოებით ათ დღეში გახდება ცნობილი.
მოძრაობა "ხალხის ძალას" უკვე შეუერთდნენ ექსპერტები თამთა მეგრელიშვილი, ზურაბ ქადაგიძე, დავით ქართველიშვილი, თამარ ჩიბურდანიძე, ნუკრი შოშიაშვილი, ოთარ ჭულუხაძე, ნიკა ქობულაძე და იოანე შაიშმელაშვილი.
ბრიფინგზე სოზარ სუბარმა საზოგადოებას აცნობა, რომ მათი მოძრაობის წევრმა, ვიქტორ ჯაფარიძემ "პოსტ TV" წილის 52 % შეიძინა, რაც მისი თქმით პოლიტიკურ ჯგუფს ხელს შეუწყობს, რომ საზოგადოებამდე სათქმელი კიდევ უფრო ფართოდ მიიტანონ.
,,ხალხის ძალას" სამცხე-ჯავახეთიდანაც შეუერთდებიან - ამის შესახებ მეცხრე არხს ახალციხისა და ადიგენის საკრებულოს დეპუტატებმა განუცხადეს. საბა კბილაშვილის თქმით, ,,მიმდინარეობს კონკრეტული საკითხების განხილვა და მომავალ კვირაში საჯაროდ ცნობილი გახდება ვინ შეუერთდება ,,ხალხის ძალას".
წევრებთან თანამშრომლობის საკითხზე დეტალებს განიხილავენ ადიგენშიც. იმედა მღებრიშვილის თქმით, ახალი წევრების ვინაობა საზოგადოებისთვის დაახლოებით ათ დღეში გახდება ცნობილი.
მოძრაობა "ხალხის ძალას" უკვე შეუერთდნენ ექსპერტები თამთა მეგრელიშვილი, ზურაბ ქადაგიძე, დავით ქართველიშვილი, თამარ ჩიბურდანიძე, ნუკრი შოშიაშვილი, ოთარ ჭულუხაძე, ნიკა ქობულაძე და იოანე შაიშმელაშვილი.
ბრიფინგზე სოზარ სუბარმა საზოგადოებას აცნობა, რომ მათი მოძრაობის წევრმა, ვიქტორ ჯაფარიძემ "პოსტ TV" წილის 52 % შეიძინა, რაც მისი თქმით პოლიტიკურ ჯგუფს ხელს შეუწყობს, რომ საზოგადოებამდე სათქმელი კიდევ უფრო ფართოდ მიიტანონ.