"წლის ბოლომდე ახალციხეს ახალი ავტობუსები ეყოლება" - ირაკლი ლაზარაშვილი
15:59 / 09.06.2023
დღეს,9 ივნისს, ახალციხის მუნიციპალიტეტის საკრებულოს რიგგარეშე სხდომა ჩატარდა. სხდომაზე ახალციხის მუნიციპალიტეტის მიერ საზოგადოებრივი ტრანსპორტის - ავტობუსების სახელმწიფო შესყიდვის განხორციელების თანხმობის მიცემის შესახებ იმსჯელეს.
საკრებულოს დეპუტატებმა საკითხს მხარი ერთხმად დაუჭირეს. ახალციხის მუნიციპალიტეტის მერის, ირაკლი ლაზარაშვილის განცხადებით ქალაქს 18 ახალი საზოგადოებრივი ტრანსპორტი წლის ბოლომდე ეყოლება.