საკონსტიტუციო ცვლილებების განხილვას ახალციხეში პრეზიდენტი არ დაესწრება
00:58 / 10.05.2017
ახალციხეში საკონსტიტუციო ცვლილებების საყოველთაო განხილვა გაიმართება.
შეხვედრა მესხეთის თეატრის დარბაზში, 10 მაისს 12:00 საათზეა დაგეგმილი. საქართველოს პრეზიდენტის ადმინისტრაციის ინფორმაციით, გიორგი მარგველაშვილი საჯარო განხილვას სავარაუდოდ არ დაესწრება. ცვლილებებს საპარლამენტო უმრავლესობის წევრები ადგილობრივ მაცხოვრებლებთან ერთად განიხილავენ.