ურაველში მომხდარი დაპირისპირების დროს დაშავებულები სამართალდამცველებმა უკვე დაკითხეს. საქმეზე ძიება საქართველოს სისხლის სამართლის კოდექსის 126–ე მუხლით მიმდინარეობს, რომელიც ცემას ან სხვაგვარ ძალადობას, გულისხმობს, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია პიროვნების ჯანმრთელობის განზრახ მსუბუქი დაზიანება. იურისტები განმარტავენ, რომ მუხლი შესაძლოა გადაკვალიფიცირდეს მას შემდეგ, რაც დაშავებულების დაზიანებებზე სამედიცინო ექსპერტიზის დასკვნა გახდება ცნობილი.