რელიგია
მორწმუნეები „მართლმადიდებლობის ზეიმს“ აღნიშნავენ
14:29 / 05.03.2023
დიდმარხვის პირველ კვირას ეკლესია აღნიშნავს „მართლმადიდებლობის ზეიმს“. ეს ტრადიცია დასაბამს იღებს IX საუკუნიდან. როგორც ცნობილია, მეშვიდე მსოფლიო კრებამ (787 წ.) დაამტკიცა ხატებისა და სხვა საეკლესიო სიწმინდეების თაყვანისცემის ჭეშმარიტება. თუმცაღა მწვალებლობა ამ კრების შემდეგაც არ ჩამქრალა და აგრძელებდა ბრძოლას საღმრთო სწავლების წინააღმდეგ. დედოფალმა თეოდორამ ხატმებრძოლი მეუღლის, იმპერატორ თეოფილეს გარდაცვალების შემდეგ, 842 წლის 18 თებერვალს მოაწვევინა საეკლესიო კრება ხატთაყვანისცემის აღდგენისათვის.
ამ კრებამ კიდევ ერთხელ დაამტკიცა მართლმადიდებლური სწავლება ხატთა თაყვანისცემის შესახებ. კრებაზე გადაწყდა განეკვეთათ ის სასულიერო პირები, რომელთაც არ სურდათ თავისი მწვალებლობის უარყოფა. ამავე კრებაზე დადგინდა, რომ მორწმუნეთა ჭეშმარიტებაში განსამტკიცებლად ყოველწლიურად აღესრულებინათ „მართლმადიდებლობის ზეიმის“ წესი. ხატების თაყვანისცემის აღდგენის საზეიმოდ აირჩიეს დიდმარხვის პირველი კვირა. ამ დღეს კონსტანტინოპოლის პატრიარქმა მეთოდემ წმიდა სოფიას ტაძარში შეკრიბა მართლმადიდებელი სამღვდელოება და კრების მონაწილენი. იქ იყო დედოფალი თეოდორა თავის ვაჟთან ერთად. ტაძარში შეკრებილნი ხალხთან ერთად ლიტანიობით – ხატებით, ანთებული სანთლებით, გალობით გაემართნენ ქალაქის შუაგულისაკენ. ამის შემდეგ აღსრულდა სადღესასწაულო წირვა. ლიტანიობისა და წირვის დროს ხატები ამაღლებულ ადგილას იყო დასვენებული. ამ დღეს მართლმადიდებლობის დღე ეწოდა. გადმოცემით „მართლმადიდებლობის ზეიმის“ წესი წმ. პატრიარქმა მეთოდემ შეადგინა.
საკვირაო წირვა ახალციხეში, წმინდა შალვა ახალციხელის სახელობის საკათედრო ტაძარში ორმა მეუფემ, ახალციხის და ტაო-კლარჯეთის მიტროპოლიტმა თეოდორემ და ხონისა და სამტრედიის მიტროპოლიტმა საბამ აღავლინეს. ქადაგების დროს დღევანდელი დღესასწაულის და ერთიანობის მნიშვნელობაზე ისაუბრეს.
შეგახსენებთ, რომ დიდმარხვის მეორე კვირიდან ყოველ ოთხშაბათს და პარასკევს პირველშეწირულის წირვები აღევლინება. ყოველ ხუთშაბათს კი, გარდა ვნების კვირისა, მორწმუნეებს შვიდგზის ზეთის ცხების საშუალება ეძლევათ.
ამ კრებამ კიდევ ერთხელ დაამტკიცა მართლმადიდებლური სწავლება ხატთა თაყვანისცემის შესახებ. კრებაზე გადაწყდა განეკვეთათ ის სასულიერო პირები, რომელთაც არ სურდათ თავისი მწვალებლობის უარყოფა. ამავე კრებაზე დადგინდა, რომ მორწმუნეთა ჭეშმარიტებაში განსამტკიცებლად ყოველწლიურად აღესრულებინათ „მართლმადიდებლობის ზეიმის“ წესი. ხატების თაყვანისცემის აღდგენის საზეიმოდ აირჩიეს დიდმარხვის პირველი კვირა. ამ დღეს კონსტანტინოპოლის პატრიარქმა მეთოდემ წმიდა სოფიას ტაძარში შეკრიბა მართლმადიდებელი სამღვდელოება და კრების მონაწილენი. იქ იყო დედოფალი თეოდორა თავის ვაჟთან ერთად. ტაძარში შეკრებილნი ხალხთან ერთად ლიტანიობით – ხატებით, ანთებული სანთლებით, გალობით გაემართნენ ქალაქის შუაგულისაკენ. ამის შემდეგ აღსრულდა სადღესასწაულო წირვა. ლიტანიობისა და წირვის დროს ხატები ამაღლებულ ადგილას იყო დასვენებული. ამ დღეს მართლმადიდებლობის დღე ეწოდა. გადმოცემით „მართლმადიდებლობის ზეიმის“ წესი წმ. პატრიარქმა მეთოდემ შეადგინა.
საკვირაო წირვა ახალციხეში, წმინდა შალვა ახალციხელის სახელობის საკათედრო ტაძარში ორმა მეუფემ, ახალციხის და ტაო-კლარჯეთის მიტროპოლიტმა თეოდორემ და ხონისა და სამტრედიის მიტროპოლიტმა საბამ აღავლინეს. ქადაგების დროს დღევანდელი დღესასწაულის და ერთიანობის მნიშვნელობაზე ისაუბრეს.
შეგახსენებთ, რომ დიდმარხვის მეორე კვირიდან ყოველ ოთხშაბათს და პარასკევს პირველშეწირულის წირვები აღევლინება. ყოველ ხუთშაბათს კი, გარდა ვნების კვირისა, მორწმუნეებს შვიდგზის ზეთის ცხების საშუალება ეძლევათ.