მეუფე თეოდორე: “ეს არის ხარება, არა მარტო დედა ღვთისმშობლისადმი, არამედ მთელი კაცობრიობისადმი”
16:58 / 07.04.2017
7 აპრილს მართლმადიდებლურ სამყაროში ყოვლადწმინდა ღვთისმშობლის ხარების დღესასწაული აღინიშნება.
"ეს არის დღე, როდესაც მთავარანგელოზმა გაბრიელმა ახარა ყოვლადწმინდა ღვთისმშობელს, რომ იგი გახდებოდა ტაძარი ღვთისა, რომ იგი შობდა ძეს, რომელიც გადაარჩენდა მთელს ქვეყნიერებას" – ასე განმარტა ახალციხისა და ტაო–კლარჯეთის მიტროპოლიტმა 12 უდიდეს საუფლო დღესასწაულთაგან ერთ–ერთი. მეუფე თეოდორემ ყოვლადწმინდა ღვთისმშობლის ხარების დღესასწაულთან დაკავშირებით საზეიმო წირვა რაბათის წმინდა მარინეს სახელობის საკათედრო ტაძარში აღავლინა.