ბაკურიანში, 25 წლის მამაკაცი ტრაგიკულად დაიღუპა
ბაკურიანში მომხდარ უბედურ შემთხვევას 25 წლის თორნიკე ინატაშვილი ემსხვერპლა.
Ambebi.ge-ს ინფორმაციით, ინატაშვილი იქ სატელეფონო კომუნიკაციების გაყვანაზე მუშაობდა, რა დროსაც ერთ-ერთი შენობის სახურავიდან გადმოვარდა და ადგილზე გარდაიცვალა. შემთხვევა 26 ნოემბერს მოხდა.
,,თბილისში ცხოვრობდა და სამსახურებრივი მივლინებით ბაკურიანში იყო ჩასული. წარმოშობით რაჭიდან არის, იქ გადაასვენეს მისი ცხედარიც" – განმარტავენ გარდაცვლილის ახლობლები.
მომხდარზე გამოძიება სსკ-ის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.