ახალციხეში, კოსტავას ქუჩაზე, გამყიდველმა ქალმა მყიდველი სცემა. როგორც თვითმხილველები ამბობენ, ძველი ბაზრის მიმდებარე ტერიტორიაზე, ქალებს შორის შელაპარაკება ხურდის დაბრუნებას მოჰყვა.
დაშავებული, სავარაუდოდ მყიდველი ქალია, რომელიც სასწრაფო-სამედიცინო ბრიგადამ ახალციხის რეფერალურ ჰოსპიტალში გადაიყვანა.
შსს-ში ამბობენ, რომ მომხდარ ინციდენტზე გამოძიება სსკ-ის 126-ე, ძალადობის მუხლით დაიწყო. პოლიციამ ინციდენტში მონაწილე პირების ვინაობა უკვე დაადგინა, ტარდება საგამოძიებო ღონისძიებები.