სამართალი
ახალქალაქში მოტაცებული გოგოს დამალვისთვის მამაკაცი გაასამართლეს
ახალქალაქის რაიონულმა სასამართლომ ადგილობრივ გ.ი.-ს გამამტყუნებელი განაჩენი გამოუტანა. მამაკაცს ერთი წლით პირობითი სასჯელი და 2 000-ლარიანი ჯარიმა შეეფარდა. ინფორმაციას ადგილობრივი გამოცემა jnews.ge ავრცელებს.
ბრალდების მხარე მამაკაცს სისხლის სამართლის კოდექსის 375-ე მუხლის მეორე ნაწილით გათვალისწინებულ დანაშაულს ედავებოპდა, რაც . მძიმე დანაშაულის წინასწარ შეუპირებლად დაფარვას გულისხმობს.
გამოძიების ინფორმაციით, მამაკაცმა საკუთარ ოჯახში, 2019 წლის დეკემბერში მოტაცებული გოგო დამალა და ცდილობდა ქალი დაერწმუნებინა, რომ ცოლად გამტაცებელს გაჰყოლოდა.