ახალციხეში პაატა ნათენაძეს ქუჩის №74-ში ხანძარია. ცეცხლი საცხოვრებელი სახლის სასხვენო გადახურვას უკიდია.
ადგილზე სახანძრო-სამაშველო სამსახურის ორი ეკიპაჟია მობილიზებული. მიმდინარეობს ხანძრის ჩაქრობის სამუშაოები.
დაზარალებულის მეზობლების თქმით, დაახლოებით ნახევარი საათის წინ შეამჩნიეს, რომ საკვამურიდან ცეცხლის ალი ამოდიოდა და სახანძრო-სამაშველო სამსახური გამოიძახეს.