პოლონეთში ავარიას 3 ქართველი ემსხვერპლა, ხუთი დაშავდა
12:45 / 22.10.2022
პოლონეთში, პოზნანის ახლობლად ავტოსაგზაო შემთხვევას 3 ქართველი ემსხვერპლა.
პოლონური მედიის ინფორმაციით, ერთმანეთს მიკროავტობუსი და სატვირთო ავტომობილი შეეჯახა, რის შედეგადაც 3 ქართველი ადგილზე გარდაიცვალა, ხოლო 5 დაშავდა.
დაშავებულები ვერტმფრენით სამედიცინო დაწესებულებაში გადაიყვანეს. შემთხვევის ადგილზე მობილიზებულები იყვნენ სახანძრო-სამაშველო სამსახურის რამდენიმე ეკიპაჟი და სამართალდამცავები.
პოლონური მედიის ცნობით, ერთმანეთს ავტობუსი და სატვირთო მანქანა შეეჯახა. ავტობუსში სულ 8 მგზავრი იმყოფებოდა, აქედან სამი გარდაიცვალა, ხუთი კი - დაშავდა. პოლონური მედია სახანძრო-სამაშველო სამსახურის წარმომადგენელზე დაყრდნობით იუწყება, რომ გარდაცვლილები, სავარაუდოდ, საქართველოს მოქალაქეები არიან.