ახალქალაქში სექსუალური კავშირის იძულებისა და ინტიმური ფოტოების გავრცელების მუქარისთვის 21 წლის ბიჭი დააკავეს
23:03 / 14.02.2023
ახალქალაქში, 15 წლის გოგონასთან სექსუალური კავშირის იძულებისა და ინტიმური ფოტოების გავრცელების მუქარისთვის 21 წლის ბიჭი დააკავეს. ბრალდებულს აღკვეთის ღონისძიების სახით პატიმრობა შეეფარდა. გამოძიება სისხლის სამართლის კოდექსის ორი მუხლით მიმდინარეობს.
სისხლის სამართლის კოდექსის 139-ე მუხლის მეოთხე ნაწილის „ბ“ პუნქტით მიმდინარეობს, რაც სექსუალური კავშირის იძულებას (იგივე ქმედება ჩადენილი წინასწარი შეცნობით არასრულწლოვანის მიმართ) გულისხმობს. გარდა ამისა, დაკავებულს სსკ–ის 181-ე მუხლის პირველი ნაწილით ჩადენილ ქმედებას – გამოძალვასაც ედავებიან. დანაშაული 9–დან 15 წლამდე თავისუფლების აღკვეთას ითვალისწინებს.
ბრალდებულსაც და დაზარალებულსაც სახაზინო ადვოკატები იცავენ. სხდომა მედიისთვის დახურული იყო. გამოძიება დაუდასტურებელი ინფორმაციით, 15 წლის გოგონას ინტიმური ფოტოების სოციალურ ქსელში მაინც გავრცელდა, თუმცა უცნობია უშუალოდ ბრალდებულმა გაავრცელა, თუ საქმეში სხვა პირები მონაწილეობდნენ. ბრალდებულის უფლებადამცველის, გიორგი ჩიტაშვილის განმარტებით, სასამართლოში გირაო მოითხოვეს, თუმცა მოსამართლემ მათი წინადადება არ გაითვალისწინა.