"საქონლის რიგში იყო, რომ არ გამოჩნდა მერე მოიკითხეს" - რას ჰყვებიან დაკარგულ ახალგაზრდაზე
21:54 / 05.05.2023
ასპინძის მუნიციპალიტეტის სოფელ ნაქალაქევში დაკარგულ 28 წლის გიმზერ კაველიძეს ამ დრომდე მაშველები და თანასოფლელები მდინარეში ეძებენ.
ადგილობრივები "მეცხრე არხთან" ჰყვებიან, რომ ახალგაზრდის გაუჩინარებაზე ეჭვი მას შემდეგ მიიტანეს, როდესაც ის საქონლის სამწყემსად წასული ადგილზე არ მივიდა.
დაზუსტებით არავინ იცის რა მოხდა, თუმცა არსებობს ვარაუდი, ახალგაზრდა მდინარის ერთი ნაპირიდან მეორე მხარეს ტროსით გადასვლას ცდილობდა, რა დროსაც ის წყალში ჩავარდა. თანასოფლელების ინფორმაციით, ახალგაზრდამ ცურვა არ იცოდა. ადგილზე ნაპოვნია მისი ჩანთა.