"ბაკურიანობა 2020" დღეს სპორტული შეჯიბრებებით დაიწყო. გაიმართა შეჯიბრი ტრამპლინიდან თხილამურებით ხტომასა და ჰოკეიში.
გამოვლინდნენ და დაჯილდოვდნენ გამარჯვებულები. სახალხო დღესასწაულის აღნიშვნა 15-16 თებერვალს გაგრძელდა. ორი დღის განმავლობაში სპორტული და კულტურული ღონისძიებები გაიმართა.
ზამთრის კურორტზე „ბაკურიანობა 2020“ გაიმართა.
ე.წ 25-იანების მიმდებარე ტერიტორიაზე დასრულდა Off-road მაღალი გამავლობის ავტომობილების შეჯიბრი 5 კატეგორიაში, სადაც გამოვლინდნენ გამარჯვებულები.
გაიმართა Free style jumping show (შეჯიბრი თხილამურებით და თოვლის დაფით), სადაც გამოვლენილი გამარჯვებულები დაჯილდოვდნენ.
პატარების განწყობის ასამაღლებლად მოეწყო სახალისო საბავშვო თამაშები - (,,ჯოილენდის“ მიმდებარე ტერიტორია).
18:45 საათზე საპატიო ბაკურიანელის დაჯილდოების ცერემონია გაიმართა.
19:00 საათზე კი ,,ბაკურიანობა 2020 " გალა კონცერტით დასრულდა.