საზოგადოება
აბასთუმანში, პარაბოლას მთაზე ოქროსა და ურანის საბადოა - ტვპირველის გამოძიება
13:01 / 31.05.2020
აბასთუმნის შემოსასვლელი გზის მშენებლობის პროექტი 79 მილიონი ლარი ჯდება. ტყეში გზის გასაყვანად უნიკალური მასივი იჩეხება - ამის მიზეზი ადგილობრივების ვარაუდით ბიძინა ივანიშვილის გადაწყვეტილებაა, რადგან კურორტიდან დაახლოებით 15 კმ-ში მდებარე პარაბოლას მთაზე ოქროსა და ურანის საბადოა, რომლის შესახებ კვლევა კანადელ მეცნიერებთან ერთად ქართველმა გეოლოგმაც მიიღო. ამის შესახებ ჟურნალისტური გამოძიება ტვპირველმა ჩაატარა.
გამოძიების მიხედვით, კვლევა დასრულდა, მაგრამ მისი გასაჯაროვება მხოლოდ ერთი წლის შემდეგ არის შესაძლებელი. გეოლოგ ავთანდილ ოქროსცვარიძეს პოლიტიკური კონტექსტის გამო კომენტარის გაკეთება არ სურს, თუმცა ჟურნალისტთან სატელეფონო საუბარში ამბობს:
„ჩვენ გავაკეთეთ, დავადასტურეთ, რომ ოქროს მაღალი კონცენტრაციაა [... ] იქ უნდა იყოს სერიოზული საბადოები სიღრმეში. ახლა არავინ მოიპოვებს, მანდ არ ყოფილა ოქროს წარმოება, მაგრამ ოქროსშემცველი საბადოებია იქ. არამარტო ოქროა, სხვა ელემენტებიც არის“.
პარაბოლას მთაზე, ოქროსა და ურანის საბადოა, სადაც საბჭოთა პერიოდში, სამხედრო ბაზა იყო განთავსებული. ბაზა წინა საუკუნეში დაიხურა და საბადოსთან ახლა მხოლოდ საცალფეხო ბილიკი მიდის.
ადგილობრივების ვარაუდით, ბიძინა ივანიშვილს აბასთუმნის შემოვლითი გზის გაკეთება სწორედ ამ მიზნით უნდა, რადგან აქ მისვლა ტრანსპორტით გამარტივდება.
„ზემოთ პარაბოლას მხარეს დაათვალიერეს, რაღაც გამოკვლევები ჩაატარეს, გზის გადატანა იმიტომ უნდათ, რომ ოქროს საბადოს ვარიანტია“, - ამბობს ჟურნალისტურ გამოძიებაში ადიგენის მუნიციპალიტეტის საკრებულოს წევრი ევროპული საქართველოდან გელა სარაშვილი.
აბასთუმანი ბორჯომი-ხარაგაულის ტყე-პარკის ტერიტორიაზე მდებარეობს. ბორჯომ-ხარაგაულის დაცული ტერიტორია კი ევროკავშირის ქვეყნების ზურმუხტის ქსელს ეკუთვნის და ამ მასშტაბის მშენებლობა ევროკომისიასთან უნდა შეთანხმებულიყო, რაც არ მოხდა.
ევროპელების დასარწმუნებლად თავდაცვის სამინისტრომ გარემოს დაცვის სამინისტროს წერილით მიმართა, სადაც აღნიშნულია, რომ ახალციხე-ბაღდათი-ქუთაისის დამაკავშირებელი საავტომობილო გზის მშენებლობა სტრატეგიულად მნიშვნელოვანია სამხედრო თვალსაზრისით.
აბასთუმნის შემოვლითი გზის პროექტის მიხედვით, გზა ბორჯომ-ხარაგაულის ეროვნულ პარკს 9.2 კილომეტრზე კვეთს. პირველი პროექტის მიხედვით, გზას კურორტზე უნდა გაევლო, თუმცას ბიძინა ივანიშვილის პროექტის შემდეგ, რომლის მიხედვით კურორტზე მხოლოდ ელექტრომობილებმა უნდა იმოძრაონ გეგმა შეიცვალა.
გამოძიების მიხედვით, კვლევა დასრულდა, მაგრამ მისი გასაჯაროვება მხოლოდ ერთი წლის შემდეგ არის შესაძლებელი. გეოლოგ ავთანდილ ოქროსცვარიძეს პოლიტიკური კონტექსტის გამო კომენტარის გაკეთება არ სურს, თუმცა ჟურნალისტთან სატელეფონო საუბარში ამბობს:
„ჩვენ გავაკეთეთ, დავადასტურეთ, რომ ოქროს მაღალი კონცენტრაციაა [... ] იქ უნდა იყოს სერიოზული საბადოები სიღრმეში. ახლა არავინ მოიპოვებს, მანდ არ ყოფილა ოქროს წარმოება, მაგრამ ოქროსშემცველი საბადოებია იქ. არამარტო ოქროა, სხვა ელემენტებიც არის“.
პარაბოლას მთაზე, ოქროსა და ურანის საბადოა, სადაც საბჭოთა პერიოდში, სამხედრო ბაზა იყო განთავსებული. ბაზა წინა საუკუნეში დაიხურა და საბადოსთან ახლა მხოლოდ საცალფეხო ბილიკი მიდის.
ადგილობრივების ვარაუდით, ბიძინა ივანიშვილს აბასთუმნის შემოვლითი გზის გაკეთება სწორედ ამ მიზნით უნდა, რადგან აქ მისვლა ტრანსპორტით გამარტივდება.
„ზემოთ პარაბოლას მხარეს დაათვალიერეს, რაღაც გამოკვლევები ჩაატარეს, გზის გადატანა იმიტომ უნდათ, რომ ოქროს საბადოს ვარიანტია“, - ამბობს ჟურნალისტურ გამოძიებაში ადიგენის მუნიციპალიტეტის საკრებულოს წევრი ევროპული საქართველოდან გელა სარაშვილი.
აბასთუმანი ბორჯომი-ხარაგაულის ტყე-პარკის ტერიტორიაზე მდებარეობს. ბორჯომ-ხარაგაულის დაცული ტერიტორია კი ევროკავშირის ქვეყნების ზურმუხტის ქსელს ეკუთვნის და ამ მასშტაბის მშენებლობა ევროკომისიასთან უნდა შეთანხმებულიყო, რაც არ მოხდა.
ევროპელების დასარწმუნებლად თავდაცვის სამინისტრომ გარემოს დაცვის სამინისტროს წერილით მიმართა, სადაც აღნიშნულია, რომ ახალციხე-ბაღდათი-ქუთაისის დამაკავშირებელი საავტომობილო გზის მშენებლობა სტრატეგიულად მნიშვნელოვანია სამხედრო თვალსაზრისით.
აბასთუმნის შემოვლითი გზის პროექტის მიხედვით, გზა ბორჯომ-ხარაგაულის ეროვნულ პარკს 9.2 კილომეტრზე კვეთს. პირველი პროექტის მიხედვით, გზას კურორტზე უნდა გაევლო, თუმცას ბიძინა ივანიშვილის პროექტის შემდეგ, რომლის მიხედვით კურორტზე მხოლოდ ელექტრომობილებმა უნდა იმოძრაონ გეგმა შეიცვალა.