მას შემდეგ, რაც კორონავირუსი მსოფლიო პანდემიად გამოცხადდა და საქართველოში საგანგებო მდგომარეობის ფარგლებში დაწესებული შეზღუდვები ამოქმედდა, მუშაობა შეწყვიტეს სპეციალური საჭიროების მქონე პირთა სარეაბილიტაციო ცენტრებმაც. სამი თვეა შშმ მოქალაქეებს, საზოგადოებასთან და მეგობრებთან ურთიერთობის ერთადერთი გზაც მოჭრილი აქვთ, რამაც, მშობლების თქმით, მათ მდგომარეობაზე უარყოფითი გავლენა იქონია. დღის ცენტრებმა ბენეფიციარებთან მუშაობა დისტანციურად დაიწყეს.