ახალგაზრდობის სააგენტო, რეგიონული ტურნეს ფარგლებში, ახალციხეს ეწვია. სააგენტოს ხელმძღვანელი მხარის რწმუნებულს, თვითმმართველობის წარმომადგენლებსა და ახალგაზრდულ საკითხებზე მომუშავე პირებს სამხარეო ადმინისტრაციაში შეხვდა. მხარეებმა ახალგაზრდული პოლიტიკის დოკუმენტზე ისაუბრეს. როგორც სააგენტოს უფროსმა განაცხადა, მათ უკვე დაიწყეს ახალციხის მუნიციპალიტეტის ახალგაზრდული პოლიტიკის დოკუმენტის რევიზია. მისი შესწავლის შემდეგ თვითმმართველობას რეკომენდაციებს გაუზიარებენ. დოკუმენტი ახალციხის მუნიციპალიტეტში 2018 წელს დამტკიცდა.