,,112-ში დავრეკეთ და გვითხრეს, გველის გამოყვანა ჩვენ არ გვეხებაო" - მეზობლები
21:51 / 26.07.2020
ჭრელი გველი შეძვრა დავით აბნიელოვის კუთვნილ ავტომანქანაში. მეპატრონე ამბობს, რომ დაახლოებით 18:00 სთ-თვის დაინახა ,,მისმა ძმამ მანქანას კაპოტი“ როგორ ახადა და გველმა შიგნით ჩაძრომა მოასწრო.
თამარაშვილის ქუჩის მაცხოვრებლები ეჭვობენ, რომ გველი ისევ მანქანაშია.
,,112-ში დავრეკეთ და გვითხრეს, რომ ეს მათ არ ეხებათ, ამიტომ ჩვენი ძალებით ვცდილობთ მანქანიდან გამოყვანას“ - ამბობენ აბნიელოვები.
დღის განმავლობაში მანქანა როგორც შეეძლოთ დაშალეს, მაგრამ ქვეწარმავლის გამოყვანა მაინც ვერ შეძლეს.
მეპატრონე ავტომობილის განცალკევებით დაყენებას და ძებნის გაგრძელებას ხვალიდან აპირებს.