საზოგადოება
„ახალციხის სერვის ჯგუფის“ დირექტორად ვაჟა გაჩეჩილაძე დაინიშნა
19:13 / 05.02.2021
ახალციხის მუნიციპალიტეტის მერიის მიერ ახალშექმნილი ა(ა)იპ-ი ვაჟა გაჩეჩილაძემ ჩაიბარა. „ახალციხის სერვისის ჯგუფის“ დირექტორი მერიამ 1-ელ თებერვალს დანიშნა.
ვაჟა გაჩეჩილაძე 2014 წლიდან 2021 წლის იანვრის ბოლომდე შემოსავლების სამსახურში მუშაობდა. ამბობს, რომ მერიამ კონკურსის წესით შეარჩია. მისი თქმით, ამ ეტაპზე საშტატო ნუსხაზე მუშაობა მიმდინარეობს, ორგანიზაციის ბიუჯეტი 1 520 000 ლარია.
„ვგეგმავ ჩემი შრომა და მთლიანი ენერგია ახალციხის კეთილდღეობას, მის გალამაზებას და გამწვანებას მოვახმარო. სამომავლოდ სწორედ ეს გეგმა მაქვს და მაქსიმალურად ვეცდები ჩემი მოვალეობის პირნათლად შესრულებას“, - განაცხადა ვაჟა გაჩეჩილაძემ „მეცხრე არხთან“.
შეგახსენებთ, რომ შპს „კეთილმოწყობის“ გაუქმების შემდეგ, 2021 წლიდან მუნიციპალიტეტის დასუფთავებაზე პასუხისმგებელი ა(ა)იპ „ახალციხის სერვის ჯგუფია“. მას ქუჩების დასუფთავების გარდა, ევალება გარე-განათების სისტემის, გზების, პარკების, სკვერების მოვლა-პატრონობა, მიუსაფარ ცხოველებზე ზრუნვა და წესდებით გათვალისწინებული სხვა ფუნქციების შესრულება.
ვაჟა გაჩეჩილაძე 2014 წლიდან 2021 წლის იანვრის ბოლომდე შემოსავლების სამსახურში მუშაობდა. ამბობს, რომ მერიამ კონკურსის წესით შეარჩია. მისი თქმით, ამ ეტაპზე საშტატო ნუსხაზე მუშაობა მიმდინარეობს, ორგანიზაციის ბიუჯეტი 1 520 000 ლარია.
„ვგეგმავ ჩემი შრომა და მთლიანი ენერგია ახალციხის კეთილდღეობას, მის გალამაზებას და გამწვანებას მოვახმარო. სამომავლოდ სწორედ ეს გეგმა მაქვს და მაქსიმალურად ვეცდები ჩემი მოვალეობის პირნათლად შესრულებას“, - განაცხადა ვაჟა გაჩეჩილაძემ „მეცხრე არხთან“.
შეგახსენებთ, რომ შპს „კეთილმოწყობის“ გაუქმების შემდეგ, 2021 წლიდან მუნიციპალიტეტის დასუფთავებაზე პასუხისმგებელი ა(ა)იპ „ახალციხის სერვის ჯგუფია“. მას ქუჩების დასუფთავების გარდა, ევალება გარე-განათების სისტემის, გზების, პარკების, სკვერების მოვლა-პატრონობა, მიუსაფარ ცხოველებზე ზრუნვა და წესდებით გათვალისწინებული სხვა ფუნქციების შესრულება.