საზოგადოება
ბორჯომში ორი ტურისტი დაიკარგა
13:53 / 24.04.2021
უცხო ქვეყნის მოქალაქეებს, რომლებიც ბორჯომში, გოგიას ციხის მოსანახულებლად წავიდნენ, მაშველების დახმარება დასჭირდათ.
საგანგებო სიტუაციების მართვის სამსახურის ინფორმაციით, საზოგადოებრივი უსაფრთხოების მართვის ცენტრ "112"-ში შევიდა ინფორმაცია, რომ გოგიას ციხის მიმდებარედ მყოფ ტურისტებს ესაჭიროებოდათ მაშველების დახმარება.
"დიდი ბრიტანეთის და ეგვიპტის მოქალაქეები ციხის მიმართულებით ფეხით გავიდნენ, თუმცა რთული რელიეფის გამო, უკან დაბრუნება ვეღარ მოახერხეს. მეხანძრე-მაშველებმა გოგიას ციხის მიმდებარედ ორი მოქალაქე იპოვეს და უსაფრთხო ადგილას უვნებლად გამოიყვანეს".
უწყების ინფორმაციით, ტურისტების სიცოცხლეს და ჯანმრთელობას საფრთხე აღარ ემუქრება.
საგანგებო სიტუაციების მართვის სამსახურის ინფორმაციით, საზოგადოებრივი უსაფრთხოების მართვის ცენტრ "112"-ში შევიდა ინფორმაცია, რომ გოგიას ციხის მიმდებარედ მყოფ ტურისტებს ესაჭიროებოდათ მაშველების დახმარება.
"დიდი ბრიტანეთის და ეგვიპტის მოქალაქეები ციხის მიმართულებით ფეხით გავიდნენ, თუმცა რთული რელიეფის გამო, უკან დაბრუნება ვეღარ მოახერხეს. მეხანძრე-მაშველებმა გოგიას ციხის მიმდებარედ ორი მოქალაქე იპოვეს და უსაფრთხო ადგილას უვნებლად გამოიყვანეს".
უწყების ინფორმაციით, ტურისტების სიცოცხლეს და ჯანმრთელობას საფრთხე აღარ ემუქრება.