აშშ-ს საელჩომ ახალციხეს ჰუმანიტარული დახმარება გადასცა
14:40 / 21.07.2021
ამერიკის შეერთებული შტატების საელჩოს ჰუმანიტარული დახმარება ახალციხეს. საგანგებო სიტუაციებისთვის მზადყოფნისა და მათზე დროული რეაგირებისთვის, მუნიციპალიტეტს აშშ-ს ეროვნული გვარდიის ტექნიკა და ინვენტარი გადაეცა. ჰუმანიტარული დახმარება - ექვსი კარავი, ექვსი გენერატორი და ერთი ექსკავატორ-დამტვირთველი ახალციხის ციხის ტერიტორიაზე გამოიფინა.
გადაცემის ცერემონიალს აშშ-ს საელჩოს, ეროვნული გვარდიის წარმომადგენლები და თვითმმართველობის პირველი პირები ესწრებოდნენ.
საქართველოს თავდაცვის ძალების წარმომადგენლებმა მოქალაქეებს ფლაერები დაურიგეს და ტერიტორიული რეზერვის და საკონტრაქტო სამსახურის დეტალები გააცნეს.