საზოგადოება
„ბორჯომის“ ქარხნის მენეჯმენტი გარკვეულ დათმობებზე წავა" - ლერი ბარნაბიშვვილი
09:44 / 17.06.2022
საქართველოს მთავრობის რეგიონებთან ურთიერთობის დეპარტამენტის უფროსი ლერი ბარნაბიშვილი კომპანია „აიდიეს ბორჯომის“ თანამშრომლებსა და პროფკავშირების წარმომადგენლებს შეხვდა.
ლერი ბარნაბიშვილის განცხადებით „ბორჯომის“ გაფიცული თანამშრომლებისგან პრეტენზიები მოისმინა და მათ პრობლემებს გაეცნო.
ბარნაბიშვილის განმარტებით, მოლაპარაკებები კონსტრუქციულ რეჟიმში უნდა გაგრძელდეს და გაფიცულებმა მიიღეს გადაწყვეტილება, რომ არ განახორციელონ რადიკალური ზომები.
„საქართველოს მთავრობისთვის და პირადად პრემიერისთვის უაღრესად მნიშვნელოვანია ეროვნული საამაყო ბრენდის „ბორჯომის“ მუშაობა. ამისთვის დაახლოებით აქციების 7.7% გადმოეცა საქართველოს უსასყიდლოდ, რაც არის საფუძველი, რომ ქარხანამ იფუნქციონიროს სრულფასოვნად და 700-მდე თანამშრომელი კმაყოფილი იყოს. რაც შეეხება კომპანიის მენეჯმენტსა და იქ დასაქმებულთა შორის უთანხმოებას, პრემიერ-მინისტრის დავალებით, პროცესში ჩართულია შრომის ინსპექცია, რომელმაც უკვე დაიწყო მოკვლევა, თუ რის საფუძველზე იქნენ გათავისუფლებული თანამშრომლები. რამდენადაც ვიცი, „ბორჯომის“ მენეჯმენტისგან გათავისუფლება ეფუძნებოდა მძიმე ეკონომიურ ვითარებას" - განაცხადა ბარნაბიშვილმა.
მისივე თქით, კომპანია ჯერჯერობით არის კერძო სუბიექტი და სახელმწიფოს მხოლოდ მედიაციის საშუალება აქვს. ბარნაბიშვილი ირწმუნება, რომ „ბორჯომის“ ქარხნის მენეჯმენტი გარკვეულ დათმობებზე წავა და გაფიცული თანამშრომლების მოთხოვნების ნაწილი დაკმაყოფილდება.
"მინდა, ვუთხრა თანამშრომლებს, რომ არცერთი თანამშრომელი არ დაიჩაგრება და ყველა დაკმაყოფილდება შესაბამისად. გადაიხედება ჩვენი ინსპექციის მეშვეობით და ალბათ ნაწილობრივ მოხდება თანამშრომლების აღდგენა. შეხვედრა იყო კონსტრუქციული. გაფიცულებმა მიიღეს გადაწყვეტილება, არ განახორციელონ რადიკალური ზომები და არ გადაკეტონ გზა. მოლაპარაკებები უნდა გაგრძელდეს კონსტრუქციულ რეჟიმში“, – აღნიშნა ლერი ბარნაბიშვილმა.
შეხვედრას ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, შრომის ინსპექტირების დეპარტამენტის უფროსი ბექა ფერაძე, სახელმწიფო რწმუნებული სამცხე ჯავახეთის მხარეში ბესიკ ამირანაშვილი და ადგილობრივი ხელისუფლების წარმომადგენლები ესწრებოდნენ.
ლერი ბარნაბიშვილის განცხადებით „ბორჯომის“ გაფიცული თანამშრომლებისგან პრეტენზიები მოისმინა და მათ პრობლემებს გაეცნო.
ბარნაბიშვილის განმარტებით, მოლაპარაკებები კონსტრუქციულ რეჟიმში უნდა გაგრძელდეს და გაფიცულებმა მიიღეს გადაწყვეტილება, რომ არ განახორციელონ რადიკალური ზომები.
„საქართველოს მთავრობისთვის და პირადად პრემიერისთვის უაღრესად მნიშვნელოვანია ეროვნული საამაყო ბრენდის „ბორჯომის“ მუშაობა. ამისთვის დაახლოებით აქციების 7.7% გადმოეცა საქართველოს უსასყიდლოდ, რაც არის საფუძველი, რომ ქარხანამ იფუნქციონიროს სრულფასოვნად და 700-მდე თანამშრომელი კმაყოფილი იყოს. რაც შეეხება კომპანიის მენეჯმენტსა და იქ დასაქმებულთა შორის უთანხმოებას, პრემიერ-მინისტრის დავალებით, პროცესში ჩართულია შრომის ინსპექცია, რომელმაც უკვე დაიწყო მოკვლევა, თუ რის საფუძველზე იქნენ გათავისუფლებული თანამშრომლები. რამდენადაც ვიცი, „ბორჯომის“ მენეჯმენტისგან გათავისუფლება ეფუძნებოდა მძიმე ეკონომიურ ვითარებას" - განაცხადა ბარნაბიშვილმა.
მისივე თქით, კომპანია ჯერჯერობით არის კერძო სუბიექტი და სახელმწიფოს მხოლოდ მედიაციის საშუალება აქვს. ბარნაბიშვილი ირწმუნება, რომ „ბორჯომის“ ქარხნის მენეჯმენტი გარკვეულ დათმობებზე წავა და გაფიცული თანამშრომლების მოთხოვნების ნაწილი დაკმაყოფილდება.
"მინდა, ვუთხრა თანამშრომლებს, რომ არცერთი თანამშრომელი არ დაიჩაგრება და ყველა დაკმაყოფილდება შესაბამისად. გადაიხედება ჩვენი ინსპექციის მეშვეობით და ალბათ ნაწილობრივ მოხდება თანამშრომლების აღდგენა. შეხვედრა იყო კონსტრუქციული. გაფიცულებმა მიიღეს გადაწყვეტილება, არ განახორციელონ რადიკალური ზომები და არ გადაკეტონ გზა. მოლაპარაკებები უნდა გაგრძელდეს კონსტრუქციულ რეჟიმში“, – აღნიშნა ლერი ბარნაბიშვილმა.
შეხვედრას ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, შრომის ინსპექტირების დეპარტამენტის უფროსი ბექა ფერაძე, სახელმწიფო რწმუნებული სამცხე ჯავახეთის მხარეში ბესიკ ამირანაშვილი და ადგილობრივი ხელისუფლების წარმომადგენლები ესწრებოდნენ.