"თბილისი პრაიდის" წინააღმდეგ გამართულ აქციას ახალციხიდანაც შეუერთდნენ
13:33 / 02.07.2022
ორ ივლისს, დედაქალაქში დაგეგმილი "თბილისი პრაიდის" წინააღმდეგ პარლამენტთან საპროტესტო აქცია იმართება. პრორუსული "ალტ-ინფოსა" და მის მიერ დაარსებული პარტიის წევრები აქციას საქართველოს სხვადასხვა რეგიონებიდან შეუერთდნენ, მათ შორის სამცხე-ჯავახეთიდანაც.
ახალციხის „კონსერვატიული მოძრაობის“ წევრები თბილისში დილით, 08:00 საათზე გაემგზავრნენ. 20-მდე ადგილობრივი ახალციხის ოფისიდან შეიკრიბა და ორი სამარშრუტო ტაქსით თბილისში წავიდა. მხარდამჭერებმა „მეცხრე არხთან“ კომენტარი არ გააკეთეს.