ახალციხეში აგვისტოს ომის დროს დაღუპული პირები გაიხსენეს
14:00 / 08.08.2022
ახალციხეში აგვისტოს ომის 14 წლისთავი და რუსეთის აგრესიის შედეგად დაღუპული პირები გაიხსენეს. ადგილობრივი ხელისუფლების წარმომადგენლებმა, ვეტერანებმა და მოქალაქეებმა საქართველოს მთლიანობისთვის დაღუპულთა მემორიალი ყვავილებით შეამკეს. ახალციხის ცენტრალურ პარკში შეკრებილებმა რუსეთ-საქართველოს ომში დაღუპული ადგილობრივები გაიხსენეს.
აგვისტოში სამცხე-ჯავახეთიდან ექვსი მეომარი დაიღუპა. ადიგენიდან – ალექსანდრე ზაზაშვილი, არტემ ბალახაშვილი და დევი ჩადუნელი; ახალციხიდან – ანზორ გელდიაშვილი; ასპინძის სოფელ მირაშხნიდან – ტარიელ ქამაშიძე; ახალქალაქის სოფელ კოთელიიდან – თამაზ მელიქიძე.