ახალციხის ტბაზე ტივტივით თევზაობის ტურნირი ჩატარდა. ტურნირში თევზაობის ათი მოყვარული იღებდა მონაწილეობას. მათ შორის ყველაზე პატარა 3 წლის, მშობლებთან ერთად იმყოფებოდა ტბაზე. ტურნირი 10:00 საათზე დაიწყო და 17:00 სთ-ზე დასრულდა.
გამარჯვებულები გამოვლინდნენ სამ ნომინაციაში - თევზების რაოდენობის, ზომისა და წონის მიხედვით. სიმბოლური საჩუქრებით დაჯილდოვდა 5 წარმატებული მეთევზე, რომელთაც სერტიფიკატები გადაეცათ.
გამარჯვებული მეთევზეები არიან:
წონით კატეგორიაში ნიკოლოზ გოგნაძე, რომელმაც ყველაზე მძიმე, ხოლო სერგი მარკოსიანმა ყველაზე დიდი თევზი დაიჭირა.
რაც შეეხება რაოდენობას, ამ შემთხვევაში სამი პრიზიორი გამოვლინდა:
ლუკა ხითარიშვილი - 72 თევზი;
კახა აღდგომელაძე - 24 თევზი;
ალექსანდრე მელიქიძე - 15 ცალი თევზი დაიჭირა. ტივტივით თევზაობის ტურნირის ორგანიზატორი მიხეილ კაპერსკი იმედოვნებს, რომ სპორტის ეს სახეობა უფრო მასშტაბური გახდება.