სამოქალაქო საზოგადოების ინსტიტუტი ახალგაზრდებისთვის კონკურსს აცხადებს
17:22 / 25.05.2023
სამოქალაქო საზოგადოების ინსტიტუტი ახალგაზრდებისთვის კონკურსს აცხადებს.
კონკურსი კამპანია „ეს ქვეყანა შენიას" ფარგლებში მიმდინარეობს. 2023 წლის კონკურსის თემაა კი არის "საქართველო ევროპაა".
ახალგაზრდული კონკურსის – „ეს ქვეყანა შენიას“ მიზანია ახალგაზრდების სამოქალაქო პასუხისმგებლობის გაზრდა, აქტივიზმის ხელშეწყობა და ახალგაზრდების წახალისება ჩაერთონ ქვეყანაში სამოქალაქო საზოგადოების გაძლიერებაში.
კონკურსში მონაწილეობის მიღება შეუძლია ნებისმიერ ახალგაზრდას ან ახალგაზრდების ჯგუფს: მათ შორის სტუდენტებს და სკოლის მოსწავლეებს (ასაკი 30 წლამდე). ჯგუფური განაცხადის შემთხვევაში, ჯგუფის წევრების რაოდენობა არ უნდა აღემატებოდეს 5 ადამიანს.