Ասպինձայի շրջանի Խիզաբավրա գյուղի բնակիչ՝ Մանուչար Մուրադաշվիլին լրագրողներին պատմում է, որ գյուղապետի նախկին ներկայացուցիչը գյուղի բնակչի հետ նրան ստիպել են փորել սեփական գերեզմանը: Պատճառը 380 լարի գումարն է, որի գողության մեջ մեղադրում են Մանուչար Մուրադաշվիլուն:

Դեպքը տեղի է ունեցել օգոստոսի 22-ին: Մուրադաշվիլիի խոսքով նրան խարդախորեն նստեցրել են մեքենան, ծեծի են ենթարկել և տարել գյուղի գերեզմանատուն ՝ ստիպելով փորել սեփական գերեզմանը:

«Թե ինչ էին պատրաստվում անել, չէի կարող գուշակել, հարբած էին, թե ինչպիսի վիճակում, չգիտեմ: Ասում էին, վերադարձրու 380 լարին, հետո գումարը դարձավ 590 լարի: Ծեծում էին և ասում էին, խոստովանիր, որ դու ես գողացել գումարը: Հետո սկսեցին հեռախոսով նկարահանել, վախեցա, դրա համար էլ ասեցի, որ ես եմ վերձրել գումարը: »,- պատմում է Մանուչար Մուրադաշվիլին, ով գյուղապետի նախկին ներկայացուցիչ՝ Կուկուրի Պլաճիաշվիլիին և գյուղի բնակիչ՝ Իրակլի Գոգալաձեին մեղադրում է բռնության մեջ:


Մուրադաշվիլին տուն վերադառնալուն պես նրա մայրը դեպքի մասին տեղեկացրել է իրավապահներին: Ոստիկանությունը հարցաքննել է նրան: Տուժածի մայրն ասում է, որ իրավապահները չեն այցելել նախկին հոգաբարձուի ընտանիք, իսկ իր որդին չի հետազոտվել: Պարզվում է, որ տղամարդը մարմնական վնասվածքներ է ունեցել:

«Մեքենա ես նստեցրել, խաբելով, որ գարեջուր են խմելու: Տարել են «Խիզեբի» անտառ, և այնտեղ է ամեն ինչ պատահել: Ստիպել են, որ իր գերեզմանը փորի, ասել են , թե գումար ես գողացել: Ծեծի են ենթարկել: Սկզբից մեղադրում էին, թե ինչ որ մեկն է տեսել գողանալով, հետո ասում են, որ ինչ որ կին է տեսել, եթե տեսել էին, թող գաին, ինձ ասեին», -բողոքում է տուժվածի մայրը ՝ Իզոլդա Մուրադաշվիլին:

Երեկ, Օգոստոսի 25-ին, ոստիկանությունը ձերբակալել է նախկին գյուղապետ՝ Կուկուրի Պլաճիաշվիլիին և գյուղի բնակիչ՝ Իրակլի Գոգալաձեին: Ներքին գործերի նախարարությունը նախնական հետաքննությունը սկսել էր Քրեական օրենսգրքի 143-րդ հոդվածի 3-րդ մասի Ա ենթակետով, որը նախատեսում է խմբի կողմից նախնական համաձայնությամբ առևանգում:
Ձերբակալվածների հարազատները չեն կապվում լրագրողների հետ: