Առողջապահության փոխնախարար Թամար Գաբունիայի խոսքով, հայտնի է, որ Վրաստանում հաստատված կորոնավիրուսի նոր շտամը ավելի արագ է տարածվում: Ուստի, ինչպես ասում է Գաբունիան, զգուշություն է պետք: Գաբունիան բնակչությանը կոչ արեց հետևել անհրաժեշտ հանձնարարականներին:

«Երեկ մենք իմացանք կորոնավիրուսի նոր շտամի հաստատման մասին: Երեք կասկածելի դեպքերից մեկում հաստատվեց նոր փոփոխված շտամի առկայությունը, որն, ըստ էության, ընթանում է նույն կլինիկական եղանակով, ինչ նախկինում հայտնի շտամը: Միակ բանը, որն այս պահին հայտնի է, այն է, որ շտամի այս տեսակն ավելի արագ է տարածվում և անհրաժեշտ է ավելի մեծ զգուշություն ինչպես անձնական պաշտպանության միջոցների օգտագործման, այնպես էլ կանոնների կիրառման առումով, գործարար միջավայրում և սոցիալական հավաքատեղիներում, ինչը մենք արդեն գիտեինք, որ պետք է անեինք»,- հայտարարել է Թամար Գաբունիան:

Վրաստանում կորոնավիրուսի նոր շտամի հաստատման մասին հայտնի է դարձել երեկ: