Լուրեր
Հացահատիկի պակասի համար պատասխանատու է Ռուսաստանը. Բորել
13:56 / 06.06.2022
Ռուսաստանն ուղղակիորեն պատասխանատու է աշխարհում հացահատիկի դեֆիցիտի համար, քանի որ արգելափակել է Ուկրաինայի նավահանգիստները,- «Թվիթեր» սոցիալական ցանցում գրել է Եվրամիության արտաքին գործերի և անվտանգության քաղաքականության հարցերում գերագույն ներկայացուցիչ Ջոզեֆ Բորելը։
Եվրոպացի դիվանագետը ապատեղեկատվություն է անվանել Ռուսաստանի հայտարարություններն այն մասին, որ համաշխարհային պարենային ճգնաժամի պատճառ է դարձել Արևմուտքի պատժամիջոցները։ Բորելի խոսքով՝ Եվրամիության սահմանած պատժամիջոցները չեն տարածվում գյուղատնտեսական ապրանքների ու դրանց տեղափոխման վրա։
«Ագրեսիվ պատերազմներն անթույլատրելի են։ ԵՄ պատժամիջոցները ուղղված են պատերազմ վարելու Ռուսաստանի կարողությանը: Դրանք ուղղված չեն ցորենի դեմ։ Գյուղատնտեսական արտադրանքը և դրանց տեղափոխումը բացառիկ են։ Ռուսաստանի կողմից ուկրաինական նավահանգիստների ներկայիս շրջափակումը անհնարին է դարձնում տոննաներով հացահատիկի, այդ թվում՝ եգիպտացորենի և ցորենի արտահանումը աշխարհի խոշոր արտադրող երկրներից մեկը։ Ռուսաստանն ուղղակիորեն պատասխանատու է միջազգային առևտրում հացահատիկի ցանկացած դեֆիցիտի համար, և իր ագրեսիան դադարեցնելու դիմաց նա ակտիվորեն փորձում է պատասխանատվությունը տեղափոխել միջազգային պատժամիջոցների վրա։ Սա ապատեղեկատվություն է»,- գրել է Ջոզեֆ Բորելը։
Ինչպես նշում է Բորելը, ԵՄ-ն կշարունակի համերաշխություն դրսևորել աշխարհի երկրների հետ՝ պատերազմի հետևանքները լուծելու համար:
«Նախագահ Պուտինը պետք է դադարեցնի այս պատերազմն Ուկրաինայի դեմ։ Ուկրաինայի տարածքային ամբողջականությունը պետք է վերականգնվի։ Սա բխում է ողջ միջազգային հանրության շահերից։ Մենք Ուկրաինայի կողքին ենք»,- ասել է Բորելը։
Եվրոպացի դիվանագետը ապատեղեկատվություն է անվանել Ռուսաստանի հայտարարություններն այն մասին, որ համաշխարհային պարենային ճգնաժամի պատճառ է դարձել Արևմուտքի պատժամիջոցները։ Բորելի խոսքով՝ Եվրամիության սահմանած պատժամիջոցները չեն տարածվում գյուղատնտեսական ապրանքների ու դրանց տեղափոխման վրա։
«Ագրեսիվ պատերազմներն անթույլատրելի են։ ԵՄ պատժամիջոցները ուղղված են պատերազմ վարելու Ռուսաստանի կարողությանը: Դրանք ուղղված չեն ցորենի դեմ։ Գյուղատնտեսական արտադրանքը և դրանց տեղափոխումը բացառիկ են։ Ռուսաստանի կողմից ուկրաինական նավահանգիստների ներկայիս շրջափակումը անհնարին է դարձնում տոննաներով հացահատիկի, այդ թվում՝ եգիպտացորենի և ցորենի արտահանումը աշխարհի խոշոր արտադրող երկրներից մեկը։ Ռուսաստանն ուղղակիորեն պատասխանատու է միջազգային առևտրում հացահատիկի ցանկացած դեֆիցիտի համար, և իր ագրեսիան դադարեցնելու դիմաց նա ակտիվորեն փորձում է պատասխանատվությունը տեղափոխել միջազգային պատժամիջոցների վրա։ Սա ապատեղեկատվություն է»,- գրել է Ջոզեֆ Բորելը։
Ինչպես նշում է Բորելը, ԵՄ-ն կշարունակի համերաշխություն դրսևորել աշխարհի երկրների հետ՝ պատերազմի հետևանքները լուծելու համար:
«Նախագահ Պուտինը պետք է դադարեցնի այս պատերազմն Ուկրաինայի դեմ։ Ուկրաինայի տարածքային ամբողջականությունը պետք է վերականգնվի։ Սա բխում է ողջ միջազգային հանրության շահերից։ Մենք Ուկրաինայի կողքին ենք»,- ասել է Բորելը։