2023 թվականի առաջին եռամսյակում Վրաստանում գործազրկության մակարդակը, նախորդ տարվա համապատասխան ժամանակահատվածի համեմատ, նվազել է 1,4 տոկոսային կետով և կազմել 18,0 տոկոս։ Ազգային վիճակագրական ծառայությունը տեղեկատվություն է տարածում աշխատուժի ցուցանիշների վերաբերյալ։

Ըստ Geostat-ի՝ տարվա առաջին եռամսյակում, նախորդ տարվա համապատասխան ժամանակահատվածի համեմատ, աշխատանքի ընդունվածների թիվն աճել է 5,6 տոկոսով կամ 45,8 հազար մարդով և հասել 863,5 հազարի, իսկ ինքնազբաղվածների թիվը աճել է 25,4 հազարով, կամ 6,6 տոկոսով եւ կազմել 407,7 հազար: Նույն ժամանակահատվածում գործազուրկների թիվը նվազել է 3,6 տոկոսով, այսինքն՝ 10,4 հազարով և կազմել 279,2 հազար։

Գործակալության տվյալներով՝ 2023 թվականի առաջին եռամսյակում, նախորդ տարվա համապատասխան ժամանակահատվածի համեմատ, զբաղվածության մակարդակն աճել է և՛ կանանց, և՛ տղամարդկանց մոտ՝ համապատասխանաբար 3,1 և 1,6 տոկոսային կետով։
Տեղացիներն ասում են, որ ապարդյուն փնտրտուքներից հետո հիասթափված երիտասարդները հատկապես վերջին տարիներին մեկնում են արտերկիր։