Ախալքալաքի 5 գյուղի բնակիչները Գոգաշեն-Վարձիա կապող ճանապարհահատվածից հավանաբար ևս 2 շաբաթ չեն կարող օգտվել:
Փլուզված ճանապարհին, որի վրա 10 օր շարունակ աշխատում էին ծանր տեխնիկաներով, կրկին հող է թափվել: Շինարարական ընկերությունից բացի, դժվարացել է նաև տեղական և կենտրոնական իշխանության գործը, քանի որ պլանավորված ծրագիրը սկզբնական կարգով չի իրականացվելու – պետք է վերափոխել:

Վատթար ճանապարհի պատճառով, դեպի Սամցխե տանող ճանապարհից հետ են վերադարձել կրկին մեկ զբոսաշրջիկների խումբ: Վարձիա-Գոգաշեն կապով ճանապարհով մեկ ամիս է ինչ երթևեկությունն արգելված է:

«Ճանապարհ չկա, շատ ենք տանջվում գյուղի բնակիչներս, ստիպված ենք հեռվից մտնել գյուղ»,- ասում է Գոգաշենի բնակիչ՝ Գիորգի Նաթենաձեն:

«Զբոսաշրջիկները գալիս և հետ են գնում ճանապարհի պատճառով: Նախկինում նման դեպք չի եղել: Բնակչությունը հիմա ստիպված է շրջանցել 35 կմ հեռավորություն, Ախալքալաքից Գոգաշեն հասնելու համար: Այս ճանապարհից օգտվում էին 5 գյուղ և հարյուրավոր զբոսաշրջիկներ: Նախկինում նման դեպք տեղի չի ունեցել»,- հայտարարում է Զազա Նաթենաձեն:

45 մ բարձրությունից առաջին անգամ քարերը թափվել են հունիսի 13ին: Տարածքի մաքրումը ՍՊԸ
«Աստորիան» սկսել էր մոտ 10 օր առաջ և 30 000 ք մ հող են հեռացրել: Ընկերությունը մաքրողական աշխատանքները գրեթե ավարտել էր, երբ կրկին նույն տարածքում քարեր փլուզվեցին:

«Ամբողովին պետք է հեռացնեոն ամբողջ տարածքը: Զուգահեռաբար տեղական կառավարությունը նախագիծը պատրաստելու էր սեփական միջոցներով: Պատերի կառուցման համար գումարը փոխանցվել էր պետական բյուջեի կողմից: Քանի որ կրկին հող թափվեց, ավելի շատ գումար է հարկավոր, քան կարծում էինք: Այս ամենը պետք է հաշվեն փորձագետները»,- ասում է տարածաշրջանային ծրագրերի կոորդինատորների գործակալության ղեկավար՝ Մարինա Գաչեչիլաձեն:

Քանդված տարածքը երկրաբանները հունիսի 13-ին ուսումնասիրեցին
ևս մեկ անգամ: Նրանց եզրակացությունից հետո որոշվեց, թե ինչպես պետք է շարունակվեին մաքրման աշխատանքները:

«Հավանաբար այն ժամանակ փլուզվեց, երբ ոչ ոք չէր աշխատում: Ինչպես նախկինում էր, կրկին այդպես դարձավ: Դժվար աշխատանքներ են: Նրանք, ովքեր աշխատում են տեխնիկաներով, զգույշ պետք է լինեն: Առնվազն 10 օրհարկավոր է, որպեսզի կրկին մաքրենք»,- ասում է Քաղաքապետի ներկայացուցիչը Գոգաշենի վարչական բաժնում՝ Զազա Նաթենաձեն:

Մաքրման աշխատանքների համար սկզբում կենտրոնական բյուջեից տրամադրվեց 150 000 լարի: Շրջանային վարչակազմում ասում են, որ իշխանությունը ստիպված է գումար ավելացնեն, կրկին փլուզված ճանապարհահատվածի պատճառով:

«Մաքրման աշխատանքները պետք է շարունակենք: Սա շատ նշանակավոր ճանապարհ է, գյուղի բնակչության համար 40կմ ճանապարհ է: Բացի սրանից, այս ճանապարհը նշանակավոր է նաև զբոսաշրջիկների համար: Իսկ հիմա, երբ ճանապարհը փակված է, հազարավոր զբոսաշրջիկներ գալիս և հետ են դառնում: Չի կարելի կորցնել այս հնարավորությունը: Անպատճառ կվերանորոգենք այս ճանապարհը»,- ասում է տարածաշրջանային ծրագրերի կոորդինատորների գործակալության ղեկավար՝ Մարինա Գաչեչիլաձեն: