რეგიონი
სადგერში მცხოვრები ნათელა ტაბატაძე ამიერიდან მიწის ნაკვეთს ვეღარ დაამუშავებს. ადგილობრივი ამბობს, რომ ტერიტორიაზე, რომელზეც მოსავალი მოჰყავდა, მაღალი ძაბვის ელექტროგადამცემმა ხაზმა გაიარა.
„ისე შემოვიდნენ, არავის არაფერი არ უთხრეს. ამხელა ანძები რომ ააყუდეს, მერე გაიგო სოფელმა. ჩემი ტერიტორია გაფორმებული მაქვს რეესტრში. გამოდის, რომ 35 მეასედი მიწის ნაკვეთი დავკარგე. თვითონვე გვითხრეს, აქ არც დათესვა, არც მშენებლობა არ შეიძლებაო. გამოდის, რომ ეს ყანა უნდა ვაჩუქო. მაშინ თანხა გადაგვიხადონ. მცირემიწიანი სოფელი ვართ, მეტი არაფერი გაგვაჩნია“, - ამბობს ადგილობრივი ნათელა ტაბატაძე.
ნათელა ტაბატაძის მსგავსად, სადგერის მაცხოვრებლები წუხან, რომ ანძები მათ ნაკვეთებზე გადის და იძულებულნი არიან, სახნავ-სათესი მიწები დაუმუშავებლად დატოვონ. მოსახლეობა ითხოვს ელექტროგადამცემი ხაზი სოფლის გვერდის ავლით დამონტაჟდეს.
„სოფელმა დიდი უკმაყოფილება გამოვთქვით, მაგრამ არავინ არ დაგვიდგა გვერდში“, - ამბობს პავლე გეგეშიძე.
„თუ ვერ დავთესე ან ვერაფერი დავრგე, აბა როგორ ვიცხოვრო სოფელში?“ - ამბობს ჯემალ შოთაშვილი და კომპანიისგან კომპენსაციას ითხოვს.
სოფლის მოსახლეობამ დახმარებისთვის ენერგოომბუდსმენს 2019 წლის 25 იანვარს მიმართა. სალომე ვარდიაშვილის უწყებამ წერილი საქართველოს ენერგეტიკისა და წყალმომარაგების მარეგულირებელ ეროვნულ კომისიას 29 იანვარს გადაუგზავნა. სემეკში ამბობენ, რომ სამუშაო შეხვედრა გაიმართა, შედეგი კომპანიასაც და მოსახლეობასაც წერილობით შეატყობინეს.
„ენერგო-პრო ჯორჯიას“ დაევალა, რომ სადაც შესაძლებელია აცილება, აუცილებლად უნდა გამოინახოს სხვა გზები ისე, რომ მოსახლეობის ინტერესები იყოს გათვალისწინებული. სემეკის რეკომენდაცია კომპანიებისთვის სავალდებულოა. იმ შემთხვევაში, თუ არ მოხდება მისი შესრულება, კომისიას ექნება რეაგირება და მივმართავთ სანქციებს“, - განუცხადა TV9NEWS.GE-ს სემეკის პრესსამსახურმა ქეთა ბერიკაშვილმა.
ადგილობრივების პროტესტს უერთდება სოფლის მაჟორიტარი დეპუტატი. „მერიაში შემოტანილი იყო განაცხადი, რომ კომპანია 35 000-კილოვოლტიანი მაღალი ძაბვის ანძების რემონტს განახორციელებდა, მაგრამ კომპანიამ ფაქტიურად ახალი ხაზი გაიყვანა და ანძებიც შეცვალა. ეს იმიტომ, რომ 35 000 ნაცვლად 110 000 კილოვოლტმა უნდა გაიაროს. ფაქტიურად, „ენერგო პრომ“ ჩაიდინა დანაშაული - კერძო საკუთრების ხელყოფა. ამაზე პასუხი უნდა მოეთხოვოს“, - ამბობს მამუკა ლურსმანაშვილი.
„ენერგო პრო ჯორჯიაში“ უარყოფენ გავრცელებულ ინფორმაციას, რომ ხაზის სიმძლავრე იზრდება. საზოგადოებასთან ურთიერთობის სამსახურის უფროსის თქმით, „ცემი 1-ის“ ხაზი ამ ტერიტორიაზე აქამდეც არსებობდა, ახლა კი მხოლოდ რეაბილიტაცია მიმდინარეობს. კომპანია პროტესტის მიუხედავად, სამუშაოების შეჩერებას არ აპირებს.
„მაქსიმალურად გავითვალისწინეთ ადგილობრივების თხოვნა, ზოგიერთ შემთხვევაში ეზოებიდან გამოვიტანეთ ბოძები, ზოგიერთს კი ნაკვეთის შუიდან ბოლოში გადმოვუტანეთ ბოძები. ორი თვის წინ მოსახლეობას შევხვდით და დეტალურად განვუმარტეთ მიმდინარე სამუშაოები“, - ამბობს „ენერგო-პრო ჯორჯიას“ საზოგადოებასთან ურთიერთობის სამსახურის უფროსი ავთანდილ დვალიშვილი „მეცხრე არხთან“.
„ენერგო პრო ჯორჯიამ“ პირველი ეტაპი დაასრულა. მეორე ეტაპი ზაფხულში დაიწყება, როცა სამუშაოებისთვის საჭირო მასალებს მიიღებენ. სემეკი პროცესს დააკვირდება, როგორ შეასრულებს კომპანია ვალდებულებას. მოსახლეობა კი პროტესტის გაგრძელებას აპირებს. ადგილობრივების თქმით, კომპანიის თანამშრომლებს სოფელში არ შეუშვებენ და სამუშაოების გაგრძელების დაშუალებას არ მისცემენ.
„მიწის ნაკვეთი დავკარგე“ - სადგერში მაღალი ძაბვის ელექტროგადამცემი ხაზების განთავსებას აპროტესტებენ
სადგერში მცხოვრები ნათელა ტაბატაძე ამიერიდან მიწის ნაკვეთს ვეღარ დაამუშავებს. ადგილობრივი ამბობს, რომ ტერიტორიაზე, რომელზეც მოსავალი მოჰყავდა, მაღალი ძაბვის ელექტროგადამცემმა ხაზმა გაიარა.
„ისე შემოვიდნენ, არავის არაფერი არ უთხრეს. ამხელა ანძები რომ ააყუდეს, მერე გაიგო სოფელმა. ჩემი ტერიტორია გაფორმებული მაქვს რეესტრში. გამოდის, რომ 35 მეასედი მიწის ნაკვეთი დავკარგე. თვითონვე გვითხრეს, აქ არც დათესვა, არც მშენებლობა არ შეიძლებაო. გამოდის, რომ ეს ყანა უნდა ვაჩუქო. მაშინ თანხა გადაგვიხადონ. მცირემიწიანი სოფელი ვართ, მეტი არაფერი გაგვაჩნია“, - ამბობს ადგილობრივი ნათელა ტაბატაძე.
ნათელა ტაბატაძის მსგავსად, სადგერის მაცხოვრებლები წუხან, რომ ანძები მათ ნაკვეთებზე გადის და იძულებულნი არიან, სახნავ-სათესი მიწები დაუმუშავებლად დატოვონ. მოსახლეობა ითხოვს ელექტროგადამცემი ხაზი სოფლის გვერდის ავლით დამონტაჟდეს.
„სოფელმა დიდი უკმაყოფილება გამოვთქვით, მაგრამ არავინ არ დაგვიდგა გვერდში“, - ამბობს პავლე გეგეშიძე.
„თუ ვერ დავთესე ან ვერაფერი დავრგე, აბა როგორ ვიცხოვრო სოფელში?“ - ამბობს ჯემალ შოთაშვილი და კომპანიისგან კომპენსაციას ითხოვს.
სოფლის მოსახლეობამ დახმარებისთვის ენერგოომბუდსმენს 2019 წლის 25 იანვარს მიმართა. სალომე ვარდიაშვილის უწყებამ წერილი საქართველოს ენერგეტიკისა და წყალმომარაგების მარეგულირებელ ეროვნულ კომისიას 29 იანვარს გადაუგზავნა. სემეკში ამბობენ, რომ სამუშაო შეხვედრა გაიმართა, შედეგი კომპანიასაც და მოსახლეობასაც წერილობით შეატყობინეს.
„ენერგო-პრო ჯორჯიას“ დაევალა, რომ სადაც შესაძლებელია აცილება, აუცილებლად უნდა გამოინახოს სხვა გზები ისე, რომ მოსახლეობის ინტერესები იყოს გათვალისწინებული. სემეკის რეკომენდაცია კომპანიებისთვის სავალდებულოა. იმ შემთხვევაში, თუ არ მოხდება მისი შესრულება, კომისიას ექნება რეაგირება და მივმართავთ სანქციებს“, - განუცხადა TV9NEWS.GE-ს სემეკის პრესსამსახურმა ქეთა ბერიკაშვილმა.
ადგილობრივების პროტესტს უერთდება სოფლის მაჟორიტარი დეპუტატი. „მერიაში შემოტანილი იყო განაცხადი, რომ კომპანია 35 000-კილოვოლტიანი მაღალი ძაბვის ანძების რემონტს განახორციელებდა, მაგრამ კომპანიამ ფაქტიურად ახალი ხაზი გაიყვანა და ანძებიც შეცვალა. ეს იმიტომ, რომ 35 000 ნაცვლად 110 000 კილოვოლტმა უნდა გაიაროს. ფაქტიურად, „ენერგო პრომ“ ჩაიდინა დანაშაული - კერძო საკუთრების ხელყოფა. ამაზე პასუხი უნდა მოეთხოვოს“, - ამბობს მამუკა ლურსმანაშვილი.
„ენერგო პრო ჯორჯიაში“ უარყოფენ გავრცელებულ ინფორმაციას, რომ ხაზის სიმძლავრე იზრდება. საზოგადოებასთან ურთიერთობის სამსახურის უფროსის თქმით, „ცემი 1-ის“ ხაზი ამ ტერიტორიაზე აქამდეც არსებობდა, ახლა კი მხოლოდ რეაბილიტაცია მიმდინარეობს. კომპანია პროტესტის მიუხედავად, სამუშაოების შეჩერებას არ აპირებს.
„მაქსიმალურად გავითვალისწინეთ ადგილობრივების თხოვნა, ზოგიერთ შემთხვევაში ეზოებიდან გამოვიტანეთ ბოძები, ზოგიერთს კი ნაკვეთის შუიდან ბოლოში გადმოვუტანეთ ბოძები. ორი თვის წინ მოსახლეობას შევხვდით და დეტალურად განვუმარტეთ მიმდინარე სამუშაოები“, - ამბობს „ენერგო-პრო ჯორჯიას“ საზოგადოებასთან ურთიერთობის სამსახურის უფროსი ავთანდილ დვალიშვილი „მეცხრე არხთან“.
„ენერგო პრო ჯორჯიამ“ პირველი ეტაპი დაასრულა. მეორე ეტაპი ზაფხულში დაიწყება, როცა სამუშაოებისთვის საჭირო მასალებს მიიღებენ. სემეკი პროცესს დააკვირდება, როგორ შეასრულებს კომპანია ვალდებულებას. მოსახლეობა კი პროტესტის გაგრძელებას აპირებს. ადგილობრივების თქმით, კომპანიის თანამშრომლებს სოფელში არ შეუშვებენ და სამუშაოების გაგრძელების დაშუალებას არ მისცემენ.
ამავე კატეგორიაში
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
-8
°C
ახალქალაქი
-12
°C
ასპინძა
-8
°C
ადიგენი
6
°C
ბორჯომი
-3
°C
თბილისი
3
°C
აბასთუმანი
-8
°C
ბაკურიანი
-7
°C
ნინოწმინდა
-12
°C
ვალუტა
AMD
1000
7.2311
EUR
1
3.0247
RUB
100
2.9464
TRY
1
0.0808
USD
1
2.8834
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
