რეგიონი
სოფელი 12 კომლით
მიხვეულ-მოხვეული გზით, მრავალფეროვანი ბუნებით, რამდენიმე კომლით, ზაფხულში სიგრილითა და უხვთოვლიან ზამთარში გარეული ცხოველების ყმუილით - ეს ახალციხის პატარა სოფელი ანდაა, რომლის მოსახლეობას 12 ოჯახიღა წარმოადგენს.

2014 წლის აღწერის მონაცემებით,  ანდაში 74 ადამიანი ცხოვრობს. რეალურად კი, ხუთი წლის შემდეგ, მაღალმთიან სოფელს მუდმივ მაცხოვრებლად 12 ოჯახი შემორჩა. დანარჩენები მამაპაპისეულ სახლ-კარს ზაფხულობით სტუმრობენ. გასაკვირი არ არის, რომ ადგილობრივები მთავარ პრობლემად მიგრაციას ასახელებენ.

„სოფელი ხალხისგან ყოველდღე იცლება. დასაქმება არ არის, რა გავაკეთოთ, რით ვარჩინოთ საკუთარი შვილები. ახალგაზრდა აქ ვეღარ ჩერდება, იძულებულია საცხოვრებლად ქალაქში ან მეორე სოფელში გადავიდეს“, - ამბობს ნაირა ინასარიძე.

მარტოხელა ქალი ცენტრში ცხოვრობს. მის სახლთან, საღამოობით სოფლად შემორჩენილი მოსახლეობა იკრიბება. ნაირა ინასარიძე დღის განმავლობაში, ტელევიზიით გადაცემულ ამბებს მეზობლებთან განიხილავს. უფრო ხშირად ანდის პრობლემებზე საუბრობენ.

საბაზო სკოლას მხოლოდ ერთი მოსწავლე ჰყავს, რომელიც მეოთხე კლასს მომავალ წელს დაასრულებს. ამის შემდეგ საგანმანათლებლო დაწესებულების კარი საბოლოოდ დაიხურება.
ანდის სკოლა

სკოლის მსგავსად, ანდაში ბაგა-ბაღის პრობლემაც აქვთ. ბავშვები მეზობელ სოფელ ანდრიაწმინდაში მშობლებს ავტობუსით დაჰყავთ.

„ერთი მასწავლებლით ეს სკოლაა? ბავშვს მხოლოდ ოთხი წელი შეუძლია ისწავლოს, მერე იძულებული ხარ საცხოვრებლად სხვაგან გადახვიდე ან შვილი ყოველ დღე ანდრიაწმინდაში ატარო“,- გვითხრეს ანდაში.

სოფლის ყველაზე ასაკიანი მაცხოვრებელი სონა ბერიძეა. 80 წელს გადაცილებული ქალი გვიყვება, რომ ანდაში ბევრი მოსახლე არასდროს ყოფილა. გასულ წლებში აქ, 20-25 ოჯახი ცხოვრობდა, თუმცა სოფელს ადგილობრივები უფრო ხშირად ბოლო პერიოდში ტოვებენ.

"ნახევრად გაკეთებული საქმე“ - ასე ეძახიან ადგილობრივები ცენტრთან დამაკავშირებელ გზას. ანდრიაწმინდა-ანდის მონაკვეთზე, ბეტონის საფარი გზის ნაწილზეა მოწყობილი. გადაადგილება განსაკუთრებით, ზამთარში უჭირთ, როდესაც ამორტიზებული გზა იყინება და თოვლით იფარება.

გზა ყველაზე დიდი პრობლემაა. დაიწყეს და არ დაასრულეს. ალბათ, 2020 წლის არჩევნებს ელოდებიან, დაგვპირდნენ, ხმები მიიღონ და მერე აღარ მოგვხედონ“,- ამბობს ნაირა ინასარიძე.

ახალციხის მერიაში ამბობენ, რომ გზა ბოლომდე დაიგება, ოღონდ ეტაპობრივად.

„ანდრიაწმინდა_ანდის გზის 1 700 მეტრიან მონაკვეთზე ბეტონის საფარი ეწყობა. პროექტი რეგიონებში განსახორციელებელი პროექტების ფონდიდან და ადგილობრივი ბიუჯეტიდან 499 160 ლარით ფინანსდება. გარდა ამისა სოფლის მხარდაჭერის პროგრამით გამოყოფილი 10 000 ლარით, რომელსაც ადგილობრივი ბიუჯეტიდან 3 960 ლარი ემატება, სასმელი წყლის რეაბილიტაცია და წყლის გამანაწილებლის უჟანგავი ლითონით მოწყობაა დაგეგმილი“, - გვითხრა ახალციხის მერიის პრესსამსახურის თანამშრომელმა ჯილდა უჩიძემ.

ანდას კიდევ ერთ საკითხში არ გაუმართლა. ბუნებრივი აირის ცენტრალურმა მილმა მაღალმთიან სოფელს გვერდი აუქცია. აქ შემორჩენილი მოსახლეობა ყოველ დღე გაჰყურებს მთებზე ყვითელ მილებს, რომელიც გაზით მეზობელ სოფლებს ამარაგებს.


Facebook Twitter

პარტნიორი მედიასაშუალებების მასალები
ამინდი
ახალციხე 21 °C
img
ახალქალაქი 17 °C
img
ასპინძა 21 °C
img
ადიგენი 25 °C
img
ბორჯომი 22 °C
img
თბილისი 28 °C
img
აბასთუმანი 17 °C
img
ბაკურიანი 13 °C
img
ნინოწმინდა 17 °C
img
ვალუტა
EUR
EUR
1
3.2210
RUB
RUB
100
4.5596
TRY
TRY
1
0.5000
USD
USD
1
2.8555
AMD
AMD
1000
5.9839
კალენდარი
«« ივლისი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.