COVID19
კორონავირუსს უკვე 196 ქვეყანა ებრძვის
ინდოეთში კარანტინი გამოცხადდა. მილიარდ სამასი მილიონი ადამიანი 21 დღის განმავლობაში აკრძალვების რეჟიმში იცხოვრებს. ეს მიუხედავად იმისა, რომ ქვეყანაში მხოლოდ 600 ინფიცირებული და 10 გარდაცვლილია. დაიხურება ყველა მაღაზია, საწარმო და რელიგიური ობიექტი. შეიზღუდება ავტობუსებისა და მეტროს მუშაობა.

ბოლო 24 საათში 143 ადამიანი გარდაიცვალა ირანში. თეირანში აცხადებენ, რომ საერთო ჯამში კორონავირუსს 1937 ადამიანი ემსხვერპლა. ინფიცირებულია 25 000-მდე ირანელი.

69 ათასს გასცდა ინფიცირებულთა რიცხვი იტალიაში. ბოლო 24 საათში COVID-19-მა 700-ზე მეტი ადამიანი იმსხვერპლა. მათ შორის, 60 წლის ფოტორეპორტიორი პაოლო მიკაი. კორონავირუსი დაამარცხა 95 წლის იტალიელმა ალმა კორსინიმ. მას ანტივირუსული მკურნალობაც არ დასჭირდა. მათ კი, ვინც, ამ ეტაპზე სახლში, თვითიზოლაციაში იმყოფება, პოლიცია დრონების საშუალებით გააკონტროლებს. პირებს, რომლებიც სახლებს დატოვებენ ჯარიმის სახით 135 ევროს გადახდა მოუწევთ.

მძიმე ვითარებაა ესპანეთშიც. კორონავირუსს სამეფოში 47 ათასზე მეტი ადამიანი ებრძვის. იზრდება მსხვერპლი, რომელიც თითქმის 4000-სს აღწევს. ამ ფონზე, ესპანეთმა ნატოს დახმარება სთხოვა. ქვეყანაში იმედი აქვთ, რომ ალიანსი სამედიცინო აღჭურვილობაას და პირბადეებს გამოყოფს.

კვლავ მძიმე მდგომარეობაა საფრანგეთში, სადაც კორონავირუსით დაღუპულთა რიცხვი ათასს აჭარბებს. ჯამში ახალი ვირუსით 22 ათას ზე მეტი ადამიანია ინფიცირებული.

რუსეთში, ამ ეტაპზე, კორონავირუსის 700-მდე და გარდაცვალების 1 შემთხვევაა დაფიქსირებული. ეს ოფიციალური მონაცემებია, მაგრამ მათ სისწორეში ეჭვი უკვე დედაქალაქის მერსაც ეპარება. მთავრობის გადაწყვეტილებით, იხურება ღამის კლუბები, კინოთეატრები და სხვა გასართობი დაწესებულებები. პარალელურად, დაიწყეს ქუჩის სათვალთვალო კამერების აქტიური გამოყენება. 100 000-მდე ვიდეოთვალით კარანტინისა და თვითიზოლაციის დამრღვევებს გამოავლენენ.

270-მდე გაიზარდა ინფიცირებულთა რიცხვი მეზობელ სომხეთში. მთავრობის გადაწყვეტილებით დაიხურა ყველა ობიექტი, სასურსათო მაღაზიების, აფთიაქებისა და ბანკების გარდა. ქუჩაში თავისუფლად გადაადგილებაც ნაწილობრივ შეზღუდულია. მოქალაქეებს გარეთ გასვლა პასპორტების გარეშე კატეგორიულად ეკრძალებათ. პარლამენტმა ასევე მიიღო კანონპროექტი, რომლის თანახმად ყველა პირს, ვინც თვითიზოლაციის წესებს დაარღვევს 1400 დოლარის ოდენობის ჯარიმა დაეკისრება.

თეთრი სახლი და კონგრესი ეკონომიკის სტიმულაციისთვის 2 ტრილიონი დოლარის გამოყოფაზე შეთანხმდნენ. 250 მილიარდი - ფიზიკურ პირებს ჩაერიცხებათ. 350 მილიარდი - კრედიტის სახით მცირე ბიზნესისთვის გამოიყოფა. 250 - უმუშევრობის დაზღვევის შეღავათებისთვის და 500 მილიარდი პრობლემური კომპანიების კრედიტებისთვის. ნიუ-იორკის გუბერნატორი ამბობს, რომ ახალი ვირუსი ელვისებური სისწრაფით ვრცელდება და მალე მისი შტატი, შესაძლოა, სამედიცინო აღჭურვილობის გარეშე დარჩეს. აკრძალვებს საჭიროდ არ მიიჩნევს შტატების პრეზიდენტი.

ჩინეთში ბოლო 24 საათში ახალი კორონავირუსის შიდა გადადება კვლავ არ დაფიქსირებულა. ვირუსი დაუდგინდათ მხოლოდ სხვა ქვეყნიდან ჩასულ პირებს. მათი საერთო რაოდენობა 47-ია. ჩინეთში კორონავირუსის სულ 81 000 დადასტურებული შემთხვევა ფიქსირდება, აქედან, სრულად განიკურნა 73 650 პაციენტი. უკვე ნაწილობრივ მუშაობს სატრანსპორტო სამსახური, ავტომობილების მწარმოებელი ქარხნები. ნაწილობრივ გაიხსნა ჩინეთის დიდი კედელი. ქვეყანა ეტაპობრივად უბრუნდება ცხოვრების ჩვეულ რიტმს.

ისლანდიაში კი, მეცნიერები უჩვეულო ფაქტზე საუბრობენ - პაციენტი ახალი კორონავირუსის, ერთდროულად, ორივე შტამით დაინფიცირდა. სპეციალისტების ინფორმაციით, მეორე შტამი უხანში ეპიდაფეთქების დროს მუტაციის შედეგად განვითარდა და უფრო აგრესიულია.


მომზადებულია რუსთავი 2-ის მიერ.
Facebook Twitter
პარტნიორი მედიასაშუალებების მასალები
ამინდი
ახალციხე 8 °C
img
ახალქალაქი 2 °C
img
ასპინძა 8 °C
img
ადიგენი 10 °C
img
ბორჯომი 6 °C
img
თბილისი 11 °C
img
აბასთუმანი 2 °C
img
ბაკურიანი 0 °C
img
ნინოწმინდა 2 °C
img
ვალუტა
EUR
EUR
1
3.4134
RUB
RUB
100
4.1072
TRY
TRY
1
0.4701
USD
USD
1
3.1576
AMD
AMD
1000
6.3104
კალენდარი
«« აპრილი 2020 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.