დეპუტატის ახლობლებს კარანტინის წესები არ დაურღვევიათ - ჯანდაცვის ცენტრი
20:36 / 03.06.2020
ახალციხეში კოვიდ19-თან დაკავშირებული მდგომარეობა კონტროლს ექვემდებარება. ყველა საეჭვო კონტაქტი კორონავირუსით დაინფიცირებულ პირებთან გამოკვლეულია - აცხადებს "მეცხრე არხთან" ახალციხის საზიგადოებრივი ჯანდაცვის ცენტრის ეპიდემიოლოგი.
ქეთევან ჯინჭველაძის თქმით, ახალციხეში, 2020 წლის 25 მაისს, რუსეთიდან დაბრუნებული სამი პირი, რომელთაც კორონავირუსი დაუდასტურდათ, თბილისის საავადმყოფოში არიან გადაყვანილი და შესაბამის მკურნალობას გადიან.
საზოგადოებრივი ჯანდაცვის ცენტრში საკრებულოს დეპუტატის კობა გელაშვილის ოჯახთან დაკავშირებულ ინფორმაციას კარანტინის წესების დარღვევისა და მერიის თანამშრომელთა თვითიზოლაციაში გადაყვანის შესახებ, კატეგორიულად უარყოფენ.
მოსახლეობასა და მედიაში გავრცელდა ინფორმაცია რომ ინფიცირებულმა პირებმა საკარანტინე სივრცე დატოვეს და მოსახლეობასთან კონტაქტი ჰქონდათ. ასევე, სასტუმრო "გრანდ პალასში", რომელიც გელაშვილების ოჯახს ეკუთვნის და სადაც საკარანტინე ზონაა მოწყობილი, კოვიდინფიცირებულმა ახალგაზრდებმა მეგობრებს უმასპინძლეს.
იზოლაციას ან დისტანციურ მუშაობაზე გადასვლას უარყოფენ ახალციხის მერიაშიც.
ქართული ოცნების წევრმა კობა გელაშვილმა გარცელებულ ინფორმაციას სისულელე უწოდა და ტელეფონი გაგვითიშა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.