COVID 19 ახალციხეში სამედიცინო პერსონალს დაუდასტურდა
13:00 / 16.10.2020
სამცხე-ჯავახეთში, ბოლო 24 საათის განმავლობაში კორონავირუსის 3 ახალი შემთხვევა დაფიქსირდა. სამხარეო ადმინისტრაციის აპარატის უფროსის ინფორმაციით, სამივე შემთხვევა ახალციხეს უკავშირდება. ახალი კოვიდინფიცირებულები მედიკოსების კლასტერს წარმოადგენენ და თავადაც სამედიცინო პირები არიან.
„კონტაქტები ძირითადად ერთ წრეში მოძრაობდნენ, დამატებით შეიძლება ოჯახის წევრები ან ძალიან ახლო წრის პირები დაემატოს.გაგზავნილია 400 ნიმუში და დღის განმავლობაში ველოდებით“ - განმარტა გიორგი მიქელაძემ.
16 ოქტომბრის მდგომარეობით, რეგიონში 69 დაინფიცირებულია. გამოჯანმრთელებულთა რიცხვს სამი პირი დაემატა. ჯამში სამცხე-ჯავახეთს 23 განკურნებული ჰყავს. აქტიური ინფიცირებულია - 45. გარდაცვლილია ერთი პაციენტი.