COVID19
საქართველოში 50 ათასი პირი ორჯერ, ხოლო 130 ათასი ერთი დოზით აიცრა
13:03 / 08.06.2021
„ჯამურად, ორივე დოზით, უკვე ვაქცინირებულია 50 ათასზე მეტი ადამიანი და დაახლოებით, 130 ათასი მოქალაქეა მხოლოდ ერთი დოზით აცრილი. რა თქმა უნდა, პროგრამა თვის ბოლომდე გაგრძელდება - ისე, როგორც ამჟამად მიმდინარეობს“, - ამის შესახებ ჯანდაცვის მინისტრის მოადგილემ, თამარ გაბუნიამ მთავრობის ადმინისტრაციაში გამართულ ბრიფინგზე განაცხადა.
„ვაქცინაცია აქტიურად მიმდინარეობს როგორც ესენციურ ჯგუფებში, ისე - მოქალაქეებში. ვაქცინაცია მიმდინარეობს „სინოფარმის“ მეორე და „სინოვაკის“ პირველი დოზებით. რამდენიმე დღეში, „სინოვაკის“ მეორე დოზებით ვაქცინაციის რეგისტრაცია დაიწყება, რათა ადამიანებს, რომლებიც პირველი დოზით აიცრენ, წვდომა ჰქონდეთ მეორეზეც“, - აღნიშნა თამარ გაბუნიამ.
ამ დროისთვის საქართველოში კორონავირუსის 350 428 შემთხვევაა დადასტურებული. მათ შორის გამოჯანმრთელდა 335 029 , გარდაიცვალა 4 951 პაციენტი.
„ვაქცინაცია აქტიურად მიმდინარეობს როგორც ესენციურ ჯგუფებში, ისე - მოქალაქეებში. ვაქცინაცია მიმდინარეობს „სინოფარმის“ მეორე და „სინოვაკის“ პირველი დოზებით. რამდენიმე დღეში, „სინოვაკის“ მეორე დოზებით ვაქცინაციის რეგისტრაცია დაიწყება, რათა ადამიანებს, რომლებიც პირველი დოზით აიცრენ, წვდომა ჰქონდეთ მეორეზეც“, - აღნიშნა თამარ გაბუნიამ.
ამ დროისთვის საქართველოში კორონავირუსის 350 428 შემთხვევაა დადასტურებული. მათ შორის გამოჯანმრთელდა 335 029 , გარდაიცვალა 4 951 პაციენტი.