COVID19
რეგიონის მასშტაბით, კოვიდ 19-ის ყველაზე მეტი შემთხვევა ახალციხეში დაფიქსირდა
გასული დღე-ღამის განმავლობაში, სამცხე-ჯავახეთში კოვიდინფიცირების 208 ახალი შემთხვევა გამოვლინდა. რეგიონში, ინფიცირების ყველაზე მაღალი მაჩვენებელი კვლავ ახალციხესა და ბორჯომში დაფიქსირდა. კოვიდ 19-ის შემთხვევები მუნიციპალიტეტების მიხედვით ასე გადანაწილდა:
- ახალციხე - 74;
- ბორჯომი - 73;
- ასპინძა - 22;
- ახალქალაქი - 18;
- ადიგენი - 14;
- ნინოწმინდა - 7.
სამცხე-ჯავახეთის სამხარეო ადმინისტრაციის ინფორმაციით, რეგიონში კოვიდ 19-ის დადასტურებიდან დღემდე, სულ რეგისტრირებულია 29 105 ინფიცირებული.
ამ დრომდე, სამცხე-ჯავახეთში კორონავირუსისგან ოფიციალურად, სულ 202 ადამიანია გარდაცვლილი.
ბოლო დღე-ღამეში გამოჯანმრთელდა კიდევ 128 პაციენტი. შესაბამისად, კორონავირუსისგან განკურნებულთა საერთო რიცხვმა, ამ დროისათვის, 28 030-ს მიაღწია.
თვითიზოლაციაში იმყოფება 859 პირი, ხოლო კოვიდ კლინიკაში 133 პაციენტი.