„ნატოსა და ევროკავშირის შესახებ საინფორმაციო ცენტრის“ ვებ-გვერდზე ხშირად დასმულ კითხვებს შორისაა - დაკნინდება თუ არა ევროკავშირში გაწევრიანებით საქართველოს ტრადიციები, კულტურა და თვითმყოფადობა?
ევროკავშირი რომელიმე ქვეყნის კულტურის და ფასეულობების შეცვლას არ ცდილობს, არამედ იღწვის ევროპის კულტურათა მრავალფეროვნების დაცვისათვის. ორგანიზაციის დევიზია „ერთიანობა მრავალფეროვნებაში“, რაც ხაზს უსვამს იმ ფაქტს, რომ ყველა წევრი სახელმწიფოს კულტურული მრავალფეროვნება ევროკავშირში მაქსიმალურადაა დაცული.