სახელმწიფო უსაფრთხოების სამსახურის ანტიკორუფციული სააგენტო, ახალციხის მერთან დაკავშირებული კომპანიების მიერ მოგებულ ტენდერებს იკვლევს. ზაზა მელიქიძესთან კავშირში მყოფი კომპანიების საქმიანობით დაინტერესება, სუს-ს "საერთაშორისო გამჭვირვალობა–საქართველომ“ ურჩია.

საზოგადოებრივმა ორგანიზაციამ გაარკვია, რომ ზაზა მელიქიძის კომპანიები, პოლიტიკაში მოსვლამდე შესყიდვებში თითქმის არ მონაწილეობდნენ, მას შემდეგ კი, რაც მერად აირჩიეს, მშენებელმა კომპანიებმა ნახევარ მილიონ ლარზე მეტი ღირებულების ტენდერები მოიგეს.