კორონავირუსის ვაქცინაციის მსურველთა გასარკვევად შექმნილი სპეციალური ვებ-გვერდის მონაცემების მიხედვით, დარეგისტრირებულ მოქალაქეთა უმრავლესობას „ფაიზერით“ აცრა სურს. მას მოსდევს „მოდერნა“ და „ასტრაზენეკა“.
ამ ეტაპზე, საქართველოში კორონავირუსის საწინააღმდეგო სამი ვაქცინაა შემოტანილი - „ფაიზერი“, „ასტრაზენეკა“ და „სინოფარმი“. მათგან „სინოფარმით“ ვაქცინაცია ნებისმიერი ასაკის პირს შეუძლია, „ასტრაზენეკა“ კი 55 წლის ზემოთ მოქალაქეებს.
რომელ ვაქცინას ანიჭებენ უპირატესობას ახალციხეში - ამის გარკვევას მოქალაქეების გამოკითხვით შევეცადეთ.