გაზრდის თუ არა ლატარია „აიცერი და მოიგე“ ვაქცინის მსურველთა რაოდენობას?
16:26 / 13.09.2021
დღეიდან, 13 სექტემბრიდან ვაქცინაციის პოპულარიზაციის მიზნით, აცრილებისთვის ყოველდღიური გათამაშება იწყება. ლატარიის პირობების მიხედვით, გამარჯვებული შემთხვევითობის პრინციპით გამოვლინდება. ჯამური საპრიზო ფონდი 2 800 000 ლარია.
წაახალისებს თუ არა ლატარია ვაქცინაციას - ეს კითხვა ახალციხეში მოქალაქეებს დავუსვით. ადგილობრივების ნაწილი ფიქრობს, რომ აცრის მსურველთა რაოდენობა გაიზრდება, ნაწილი კი ამბობს, რომ ხელისუფლებამ ანტივაქსერების მოზიდვა ამ ხრიკით გადაწყვიტა.
13 სექტემბრის მონაცემებით, საქართველოში სულ ჩატარებულია 1 507 986 აცრა.
სრულად ვაქცინირებულია 605 529 ადამიანი - მოზრდილი მოსახლეობის 21.2%.
ერთი დოზით ვაქცინირებულია 902 457 ადამიანი - მოზრდილი მოსახლეობის 31.6%.