სოფლის ამბები
ჯავახეთში, მადათაფის ტბის დონე ყოველწლიურად მცირდება
17:18 / 20.08.2020
ნინოწმინდის მუნიციპალიტეტში არსებული მადათაფის ტბაში დამბები წლებია აღარ ფუნქციონირებს. ადგილობრივების თქმით, მწყობრიდან გამოსული დამბების გამო წყალი უკონტროლოდ გაედინება, რაც ტბის შემცირებასა და დაშრობას იწვევს. ჟდანოვში ირწმუნებიან, რომ დაზიანებულია ტბის სამხრეთი კაშხალი, შემცირებულია ტბის ფსკერი, რის გამოც წყალი ტბაში მინიმუმ ერთი მეტრით უკვე შემცირდა.
,,ადრე წყალი, ხიდს ყოველთვის უახლოვდებოდა და ზემოდან იყო გაჩერებული. ახლა კი თქვენც ხედავთ, როგორ არის დამშრალი. შემოდგომით რომ მოხვიდეთ, კიდევ უფრო უარესი მდგომარეობა დაგხვდებათ. თითქმის ნახევარი ტბა დამშრალი იქნება. იმიტომ, რომ ბურჯი არ არის. თანდათან ნადგურდებიან თევზები, ბატები და სხვა ცოცხალი არსებები. გვინდა მთავრობას ხმა მივაწვდინოთ ამ პრობლემის შესახებ" - ამბობს სოფელ ჟდანოვის მკვიდრი კამო სიმონიანი.
მადათაფის ტბას ,,ჯავახეთის დაცული ტერიტორიები“ განკარგავს. ტბა გადამფრენი და მიგრანტი ფრინველების დერეფნადაც ითვლება.
2019 წელს დარღვეული წყლის ბარიერის გამო , დაცული ტერიტორიების სააგენტოში განაცხადეს, რომ დაზიანებული დამბების შეკეთება იგეგმებოდა. სააგენტოს ინფორმაციით, შარშან უწყებამ მადათაფის და კარწახის ტბებისთვის ხელოვნური პლატფორმის, სადამკვირვებლო ანძის, დამბების შესაკეთებლად და სხვა წვრილმანი ინფრასტრუქტურული საქმიანობისთვის ტენდერი 67 600 ლარზე გამოაცხადა. თუმცა იმის გამო, რომ მონაწილეობა არავინ მიიღო, ტენდერი ჩაიშალა.
,,კლიმატის ცვლილების გამო ტბებს ახასიათებს ცვალებადობა. წელს საკმაოდ ჭარბი რაოდენობის წყლებია, დაცული ტერიტორიების სააგენტოს შარშანაც ჰქონდა გამოცხადებული ტენდერი დამბების მოწყობაზე, მაგრამ ვერ შედგა, რადგან მონაწილეობა არავინ მიიღო. ამ საკითხზე წელსაც ვმუშაობთ“- განუცხადა ,,მეცხრე არხს" დაცული ტერიტორიების წარმომადგენელმა ნიკო თევდორაშვილმა.
ნინოწმინდის ვიცე - მერი განმარტავს, რომ ზოგადად ჯავახეთის ტბებში პრობლემაა. ალექსანდრე მიქელაძის თქმითვე, პრობლემას მხოლოდ დამბების შეკეთება ვერ მოაგვარებს.
მადათაფის ტბა სამცხე-ჯავახეთის მხარეში, ნინოწმინდის მუნიციპალიტეტში მდებარეობს, ზღვის დონიდან 2108 მეტრზე. ის მადათაფის აღკვეთილის შემადგენლობაში შედის. ჯავახეთის ვულკანურ მთებსა და გაშლილ სივრცეებში მოქცეული ლურჯად მოელვარე ტბა ულამაზეს სანახაობას წარმოადგენს. ეს ადგილი შესანიშნავია ფრინველებზე დაკვირვების მოყვარულთათვის. მოიცავს ნინოწმინდის მუნიციპალიტეტის ტერიტორიის გარკვეულ ნაწილს. მისი საერთო ფართობი შეადგენს 320 ჰექტარს. დაარსდა 2011 წლის 22 მარტს.
ტბა ზამთარში სრულიად იყინება. ის წვიმის, თოვლისა და მიზისქვეშა წყლებით საზრდოობს. მისი სარკის ფართობი 8,78 კმ²-ა, უდიდესი სიღრმე კი - 1,7 მ. ქვაბული ლავის ნაკადით ხეობის გადაკეტვის შედეგადაა წარმოქმნილი. ტბიდან გაედინება მდინარე მადათაფა. წყლის ტემპერატურა ზაფხულში 17-18°C-ა. აქვს დაბალი ნაპირები და სანაპირო დაფარულია წყლის მოყვარული მცენარეულობით. ტბაში თევზი არ არის. მადათაფის ირგვლივ გაშენებულია სოფლები: ეფრემოვკა, ჟდანოვაკანი და სამება.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.
,,ადრე წყალი, ხიდს ყოველთვის უახლოვდებოდა და ზემოდან იყო გაჩერებული. ახლა კი თქვენც ხედავთ, როგორ არის დამშრალი. შემოდგომით რომ მოხვიდეთ, კიდევ უფრო უარესი მდგომარეობა დაგხვდებათ. თითქმის ნახევარი ტბა დამშრალი იქნება. იმიტომ, რომ ბურჯი არ არის. თანდათან ნადგურდებიან თევზები, ბატები და სხვა ცოცხალი არსებები. გვინდა მთავრობას ხმა მივაწვდინოთ ამ პრობლემის შესახებ" - ამბობს სოფელ ჟდანოვის მკვიდრი კამო სიმონიანი.
მადათაფის ტბას ,,ჯავახეთის დაცული ტერიტორიები“ განკარგავს. ტბა გადამფრენი და მიგრანტი ფრინველების დერეფნადაც ითვლება.
2019 წელს დარღვეული წყლის ბარიერის გამო , დაცული ტერიტორიების სააგენტოში განაცხადეს, რომ დაზიანებული დამბების შეკეთება იგეგმებოდა. სააგენტოს ინფორმაციით, შარშან უწყებამ მადათაფის და კარწახის ტბებისთვის ხელოვნური პლატფორმის, სადამკვირვებლო ანძის, დამბების შესაკეთებლად და სხვა წვრილმანი ინფრასტრუქტურული საქმიანობისთვის ტენდერი 67 600 ლარზე გამოაცხადა. თუმცა იმის გამო, რომ მონაწილეობა არავინ მიიღო, ტენდერი ჩაიშალა.
,,კლიმატის ცვლილების გამო ტბებს ახასიათებს ცვალებადობა. წელს საკმაოდ ჭარბი რაოდენობის წყლებია, დაცული ტერიტორიების სააგენტოს შარშანაც ჰქონდა გამოცხადებული ტენდერი დამბების მოწყობაზე, მაგრამ ვერ შედგა, რადგან მონაწილეობა არავინ მიიღო. ამ საკითხზე წელსაც ვმუშაობთ“- განუცხადა ,,მეცხრე არხს" დაცული ტერიტორიების წარმომადგენელმა ნიკო თევდორაშვილმა.
ნინოწმინდის ვიცე - მერი განმარტავს, რომ ზოგადად ჯავახეთის ტბებში პრობლემაა. ალექსანდრე მიქელაძის თქმითვე, პრობლემას მხოლოდ დამბების შეკეთება ვერ მოაგვარებს.
მადათაფის ტბა სამცხე-ჯავახეთის მხარეში, ნინოწმინდის მუნიციპალიტეტში მდებარეობს, ზღვის დონიდან 2108 მეტრზე. ის მადათაფის აღკვეთილის შემადგენლობაში შედის. ჯავახეთის ვულკანურ მთებსა და გაშლილ სივრცეებში მოქცეული ლურჯად მოელვარე ტბა ულამაზეს სანახაობას წარმოადგენს. ეს ადგილი შესანიშნავია ფრინველებზე დაკვირვების მოყვარულთათვის. მოიცავს ნინოწმინდის მუნიციპალიტეტის ტერიტორიის გარკვეულ ნაწილს. მისი საერთო ფართობი შეადგენს 320 ჰექტარს. დაარსდა 2011 წლის 22 მარტს.
ტბა ზამთარში სრულიად იყინება. ის წვიმის, თოვლისა და მიზისქვეშა წყლებით საზრდოობს. მისი სარკის ფართობი 8,78 კმ²-ა, უდიდესი სიღრმე კი - 1,7 მ. ქვაბული ლავის ნაკადით ხეობის გადაკეტვის შედეგადაა წარმოქმნილი. ტბიდან გაედინება მდინარე მადათაფა. წყლის ტემპერატურა ზაფხულში 17-18°C-ა. აქვს დაბალი ნაპირები და სანაპირო დაფარულია წყლის მოყვარული მცენარეულობით. ტბაში თევზი არ არის. მადათაფის ირგვლივ გაშენებულია სოფლები: ეფრემოვკა, ჟდანოვაკანი და სამება.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.