სოფლის ამბები
საიდან მარაგდებოდა ვარძია ღვინით - ლეგენდა უძველეს ჭაჭკარზე

ისტორიული სოფელი ასპინძის მუნიციპალიტეტში ვარძიიდან ჩრდილო-აღმოსავლეთით, მდინარე მტკვრის ნაპირებზე მდებარეობს.

გადმოცემის მიხედვით, ჭაჭკარიდან ხდებოდა ვარძიის სამეურნეო მარაგის შევსება - კლდეში ნაკვეთ საწნახლებში დიდი რაოდენობის ღვინო იწურებოდა. სოფელში, გარდა დაზიანებული ტერასებისა და 50-მდე კლდეში ნაკვეთი საწნახელია, შემორჩენილია ოთხ საუკუნოვანი ვაზიც. სწორედ "ჭაჭის კარიდან" მომდინარეობს სოფლის სახელიც.

აქვეა კლდეში გამოკვეთილი საცხოვრებელი დარბაზი და წმინდა გიორგის ეკლესია, ხალხური საცხოვრებლის ნიმუშები (მიწურ-ბანიანი სახლები, მესხური დარბაზები) და სხვა.

სოფელს 2016 წლის, საქართველოს მთავრობის დადგენილების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.

მეღვინე გიორგი ნათენაძე სოფელი ჭაჭკრის ლეგენდაზე მოგვითხრობს.
| Print |